Српски свет: Повеќе народ на концерт на Лепа Брена отколку на Мечкин Камен оваа година

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Српски свет: Повеќе народ на концерт на Лепа Брена отколку на Мечкин Камен оваа година

03 август 2025

• од Станча Јаќимовски

И додека Илинден – најважниот македонски празник – годинава беше одбележан пред речиси празен простор на Мечкин Камен, илјадници граѓани се собраа на концерти со српски фолк и поп-ѕвезди низ цела Македонија. Овој контраст ја отвори пред јавноста болната слика: историското помнење избледува, а на негово место доаѓа масовна културна зависност од Србија.

Ниту 122-годишнината од Илинденското востание, ниту 81 година од АСНОМ не беа доволни да ја разбудат националната свест. Наместо државни знамиња, на Мечкин Камен се вееја симболи од Вергина, а одекнуваа аплаузи за едни и свирежи за други политички делегации – додека празникот, неговата суштина и историска тежина останаа во втор план.

Истовремено, градските плоштади беа преполни – но не за одбележување на државноста, туку за слушање на српски турбо-фолк. Ова не е изолиран случај, туку симптом на поширок процес: србизација на македонскиот културен простор, која се спроведува тивко, но систематски.

Српските телевизии, музика, јазик и јавни личности се секојдневие за младите генерации. Македонската продукција е маргинализирана, а историското образование сѐ помалку допира до младите умови. Овој процес не е случаен. Тој се вклопува во пошироката идеја на т.н. „српски свет“ – замислен геополитички и културен поим што има за цел да го прошири српското влијание врз соседните држави, особено врз оние со историски, јазични или етнички допири.

Прашањето што стои сега пред сите нас е: дали Илинден ќе остане жива традиција, или ќе стане само фуснота во учебниците, додека српскиот свет станува реалност во нашето секојдневие?