21 септември 2025
• од Станча Јаќимовски
Сојузот на синдикатите на Македонија (ССМ) повторно ја отфрли тезата на газдите дека растот на минималната и останатите плати ќе предизвика колапс на компаниите и затворање на работни места. Напротив, според нив, податоците од Централниот регистар јасно докажуваат дека секое зголемување на минималната плата придонесува за отворање нови фирми и развој на економијата.
ССМ потсетува дека во изминатите три години, со секое покачување на минималната плата, бројот на новоосновани компании растел, додека бројот на затворени фирми се намалувал:
Овие бројки, како што велат од ССМ, се силен доказ дека зголемувањето на платите не ја загрозува економијата, туку напротив – создава услови за нејзин раст и стабилност.
Синдикатот остро реагира на, како што велат, лагите и манипулациите на газдите. „Време е да престанете да одбивате зголемување на минималната плата и да почнете да исплаќате достоинствени плати на работниците“, порачаа од ССМ.
До Владата, пак, апелираат да не подлегнува на притисоците на капиталот и да застане на страната на работниците. „Работниците не смеат да живеат со минимални примања и најниски плати во регионот. Владата е должна да обезбеди континуиран раст на минималната и на сите останати плати“, се додава во објавата.
ССМ нагласува дека нема да се сопре процесот за зголемување на платите и дека ќе продолжи со притисок за праведна распределба на профитот и подобри услови за живот и работа. Тие порачуваат дека достоинствениот труд е основа на здрава економија и општество.
Ненадминливи Понуди Дневно
4.8 (10276 рецензии)
Заштедете 152.00 ден

