ССМ со порака до работодавачите и Владата: Ако сакате да работат

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ССМ со порака до работодавачите и Владата: Ако сакате да работат – дајте им поголема плата

29 мај 2025

• од Вардарски

Сојузот на синдикатите на Македонија (ССМ) повторно апелира за зголемување на платите во земјава, укажувајќи дека македонските работници се меѓу најслабо платените во регионот. Претседателот на ССМ, Слободан Трендафилов, на денешната конференција организирана од Организацијата на работодавачите на Македонија (ОРМ), по повод 20-годишнината од нејзиното постоење, остро реагираше на, како што рече, недостигот на слух од страна на Владата и работодавачите за сериозно покачување на платите.

„Работниците во Македонија се најниско платени на Балканот. Додека во Србија минималната плата од октомври ќе изнесува 500 евра, а од јануари 550 евра, ние сѐ уште чекаме на сличен потег од нашите власти“, изјави Трендафилов. Тој додаде дека дури и со плати какви што ССМ бара, работниците продолжуваат да ја напуштаат земјата, не само поради ниските примања, туку и поради незадоволителните услови за живот.

Трендафилов ја истакна платата како клучен фактор за зголемување на продуктивноста. „Нашите работници во Црна Гора, Словенија, Германија, Србија, Хрватска, Австрија се продуктивни токму затоа што таму добиваат три до четири пати повисоки плати. Ако работодавачите очекуваат продуктивност, мора да почнат од основата – чесна и пристојна плата“, рече тој.

Со оваа порака, ССМ испраќа јасен сигнал: подобро платените работници се мотивирани, поефикасни и посклони да останат во земјата. Во спротивно, Македонија ризикува да се соочи со уште подрастично иселување и ослабување на работната сила.