ССМ: Владата, работодавачите и КСС се на иста страна – против работниците што тонат во сиромаштија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ССМ: Владата, работодавачите и КСС се на иста страна – против работниците што тонат во сиромаштија

15 ноември 2025

• од Станча Јаќимовски

Сојузот на синдикати на Македонија (ССМ) остро реагира дека Владата, работодавачите и Конфедерацијата на слободни синдикати (КСС) застанале на иста страна – спротивно од интересите на работниците, кои и понатаму живеат на раб на егзистенција со најниски плати во регионот.

Од ССМ потсетуваат дека функционерските примања, зголемени за 78%, а сега веќе и за 79%, не беа намалени, иако работниците преживуваат со минимална плата од само 397 евра. Додека трае собраниската расправа за Буџетот за 2026 година, „народните избраници“ со плати над 2.000 евра, како што велат од ССМ, ќе треба да објаснуваат дека со 397 евра „се живее добро“.

Минималната плата во Македонија – најниска во регионот

Според ССМ, Владата најавила дека минималната плата од 397 евра ќе остане непроменета најмалку до март 2026 година, кога ќе следува само законско усогласување од околу 1.600 денари.

Во меѓувреме, регионот бележи значителни покачувања:

Косово: зголемување од 350 на 500 евра во две фази – 425 евра од јануари 2026, 500 евра од јули 2026.
Албанија: од 1 јануари 2026 година минималната плата ќе биде 500 евра. Владата ќе субвенционира трошоци за осигурување во приватниот сектор со 90 милиони евра.
Србија: од октомври 2025 минимална плата од 500 евра, од јануари 2026 – 550 евра.
Република Српска (БиХ): од јануари 2026 – висината на минималната плата варира од 512 до 743 евра зависно од квалификацијата.
Босна и Херцеговина: минимална плата за 2025 изнесува 511 евра.
Црна Гора: 600 евра за работници со средно образование и 800 евра за високообразовани.

„Македонските работници имаат најниска минимална плата и најниски примања во регионот, а Владата е задоволна затоа што ‘сè е по закон’,“ реагира ССМ.

КСС – „сојузник“ на Владата и работодавачите?

ССМ тврди дека КСС намерно се прогласува за репрезентативен синдикат за да се спречи зголемување на платите. Тие, како што наведуваат, застануваат на страната на работодавачите и како „папагали“ го повторуваат ставот дека треба само да се почитува законот – закон кој на работниците не им носи ништо подобро.

Протести и можен генерален штрајк

Сојузот потсетува дека организирал низа протести за зголемување на минималната плата и најавува дека нема да застане. Според нив, игнорантскиот однос на работодавачите може да доведе до организирање генерален штрајк.