25 септември 2025
• од Станча Јаќимовски
Од денеска стапија во сила измените на Законот за безбедност во сообраќајот, со кои се воведуваат построги казни за пешаците и корисниците на тротинети.
Секој пешак што ќе преминува улица или велосипедска патека додека користи мобилен телефон – било да зборува со него на уво или да го држи во рака – ќе биде казнет со 40 евра. Дополнително, доколку некој вози тротинет, мотор или трактор и притоа користи електронски уред, казната изнесува 50 евра.
Со законските измени, пешаците се должни да се движат внимателно и без уреди кои го одвлекуваат вниманието при минување преку коловозот.
Од почетокот на наредната година, ќе се воведат и построги санкции за возачите на автомобили, особено за минување на црвено светло и за непрописно паркирање. Контролата ќе се врши преку камерите на проектот „Сејф сити“.
Овие мерки не се новина во Европа. Во Франција, казната за возење тротинет по тротоар изнесува 135 евра. Во Литванија, пешак кој користи телефон при преминување може да биде казнет со до 40 евра, а во Данска санкциите достигнуваат и до 140 евра.
Со новите измени, Македонија се приклучува кон групата на балкански држави со најригорозни правила за пешаците и корисниците на тротинети.
Ненадминливи Понуди Дневно
4.8 (10276 рецензии)
Заштедете 152.00 ден

