Сточарите до Владата: Исплата на субвенциите или блокади на патиштата од петок

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Сточарите до Владата: Исплата на субвенциите или блокади на патиштата од петок

22 декември 2025

• од Станча Јаќимовски

„Трпението е потрошено, ножот е дојден до коска“ – ова е порака која Сојузот на одгледувачи на овци и земјоделците поддржани од КСОМ ја упатуваат до Владата, најавувајќи радикализирање на протестите доколку не се исплатат субвенциите за оваа година. Во понеделник, 22 декември, сточарите најавуваат дека ќе излезат пред Владата, а ако не ги добијат своите средства до крајот на неделава, од петок започнуваат со блокади на патиштата и целосна блокада на државата.

Сточарите се во целосен економски колапс, а според нив, државата им должи повеќе од 1,5 милијарди денари за субвенции само за 2024 година. Револтот на земјоделците се зголемува, бидејќи Владата го пробила сопствениот рок за исплата. Се обвинува дека сите заостанати субвенции требало да бидат исплатени најдоцна до 30 јуни 2025 година, но денес, речиси шест месеци подоцна, сточарите се без средства.

„Се наоѓаме на крајот на 2025 година, а сè уште не се исплатени субвенциите за 2023 година, како и за целата 2024 година. Денес, наместо пари – владее молк,“ велат од Сојузот на одгледувачи на овци.

Сточарите исто така напоменуваат дека, дури и ако им се исплатат средствата, тие ќе вредат многу помалку поради порастот на цените на сточната храна за 30-40%. Поради доцнењето на исплатата, не успеале да набават храна кога била поевтина, па сега се принудени да плаќаат поскапо.

Барањата на земјоделците се децидни:

Итна исплата на сите заостанати субвенции во текот на оваа работна недела.
Компензација за изгубената вредност на парите.
Гарантирани откупни цени за следната сезона.

Ако Владата не реагира веднаш, земјоделците најавуваат општи протести со блокирање на сите главни сообраќајници низ државата, почнувајќи од петок, 26 декември 2025. „Ако не бидеме исплатени сега, следниот термин е март 2026 година, што е неприфатливо. Нашите семејства не можат да чекаат ниту ден повеќе. Фарми што хранеле генерации се затвораат, луѓе стануваат социјални случаи,“ предупредуваат организаторите на протестите.

Протестите пред Владата се најавени како последен потег за да се привлече внимание кон критичната ситуација во која се наоѓаат сточарите и земјоделците во Македонија.