21 септември 2025
• од Станча Јаќимовски
Граѓанската иницијатива „Стоп за Вардариште“ го зголемува притисокот врз институциите за решавање на проблемот со депонијата во Аеродром. Денеска активистите повторно се собраа кај мостот „Киро Глигоров“ и доставија нови, проширени барања до надлежните органи.
Во изминатите две недели иницијативата организираше протести и блокади, со цел да го сврти вниманието на јавноста и институциите кон сериозното загадување и труење што, како што велат, произлегува од депонијата Вардариште. И покрај претходно доставените барања, одговор од институциите сè уште нема.
Активистите најавија дека, доколку надлежните и понатаму останат глуви на нивните барања, нема да се задржат само на блокадата на мостот „Близнак“ во Аеродром. Блокадите, според најавите, ќе бидат проширени и на други локации низ градот, со што протестите ќе станат поинтензивни и пообемни.
Во меѓувреме, директорот на ДЗС, Стојанче Ангелов, пред околу десет дена изјави дека на терен е распоредена агенција за обезбедување. Целта, според него, е да се спречат лица да влегуваат на депонијата и да се избегнат можни обиди за намерно потпалување.
Ненадминливи Понуди Дневно
4.8 (10276 рецензии)
Заштедете 152.00 ден

