Странските инвестиции во слободен пад – за шест месеци преполовени

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Странските инвестиции во слободен пад – за шест месеци преполовени

29 август 2025

• од Станча Јаќимовски

Странските директни инвестиции (СДИ) во Северна Македонија доживеаја драматичен пад во првата половина на 2025 година, изнесувајќи само 221,26 милиони евра, што претставува повеќе од двојно помалку во споредба со истиот период минатата година, кога вкупните вложувања достигнаа 573,6 милиони евра, покажуваат податоците на Народната банка.

Особено алармантна е состојбата во вториот квартал, кога приливот на СДИ изнесувал само 79,88 милиони евра – трипати помалку од 246,4 милиони евра во истиот период од 2024 година. Според анализата, нето-прилив биле регистрирани само кај реинвестираната добивка и капиталот, додека меѓукомпаниските заеми резултирале со нето-одлив.

Овој негативен тренд доаѓа по рекордната 2024 година, кога странските инвестиции надминаа 1,25 милијарди евра, повеќе од двојно во споредба со 2023 година. Сегашниот колапс на интересот од странските инвеститори укажува на сериозни структурни проблеми во економијата, политичка нестабилност и недостиг на долгорочна стратегија за привлекување капитал.

Економистите предупредуваат дека ваквиот пад може директно да влијае врз растот на БДП, отворањето на нови работни места и развојот на индустриските зони, каде што очекуваните странски вложувања сè почесто остануваат само на хартија.

Со оглед на тоа што Северна Македонија се соочува со забавена економска активност, пораст на јавниот долг и намалена конкурентност, драматичното намалување на СДИ е сериозен сигнал за потребата од итни реформи и подобрување на инвестициската клима.