Стразбур ќе суди за дивата струшка депонија – македонските судови се прогласија за ненадлежни

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Стразбур ќе суди за дивата струшка депонија – македонските судови се прогласија за ненадлежни

21 август 2025

• од Станча Јаќимовски

Европскиот суд за човекови права во Стразбур ја прифати апликацијата за еден од најголемите еколошки и здравствени проблеми во Струга – дивата депонија лоцирана на само 500 метри од првите куќи, во близина на реката Црн Дрим и на два километри од Охридското Езеро.

Случајот до Стразбур е поднесен поради сомнежи за повреда на повеќе основни човекови права: правото на пристап до суд, правото на приватен и семеен живот, како и правото на ефективен правен лек.

Домашните судови се прогласија за ненадлежни

Адвокатот Глигорие Ќатоски, кој ја застапува иницијативата, вели дека европскиот суд официјално ги известил дека апликацијата е примена.

„За разлика од домашните судови кои се прогласија за ненадлежни, Европскиот суд за човекови права во Стразбур нѐ извести дека ја допушти апликацијата поднесена во врска со дивата струшка депонија. Ова значи дека Стразбур ќе расправа за еден од најголемите еколошки и здравствени проблеми во Струга“, изјави Ќатоски.

Критики за македонското судство

Од Здружението на млади правници посочуваат дека македонските судови не само што покажале недостаток на капацитет за решавање вакви суштински прашања од јавен интерес, туку и несоодветно и неаргументирано ја отфрлиле тужбата.

Горлив проблем од 2017 година

Проблемот со дивата депонија првпат стана актуелен во 2017 година кога се појавија големи пожари и спалувања на отпадот. Тогаш, активисти и граѓани алармираа за штетите по здравјето и животната средина.

„Овој проблем е горлив проблем за стружани и претставува еден од најголемите предизвици на градот во делот на обезбедување здрава животна средина што е уставно право на секој граѓанин на оваа држава, но исто така и во делот на заштита на здравјето и животот на луѓето“, додава Ќатоски.

Очекувања од Стразбур

Одлуката на Европскиот суд во Стразбур да ја разгледа апликацијата отвора надеж кај жителите на Струга и граѓанските организации дека ќе се обезбеди правна заштита и ќе се поттикне институционална одговорност за решавање на овој долгогодишен еколошки предизвик.