Студентите бараат одговорност: Кој им дозволил на Вучиќ и новинарите да влезат кај пациентите од Македонија?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Студентите бараат одговорност: Кој им дозволил на Вучиќ и новинарите да влезат кај пациентите од Македонија?

08 април 2025

• од Вардарски

Студентите кои со денови протестираат со блокади низ главниот град на Србија денеска го најавија своето шесто барање, кое се однесува на, како што велат, грубо нарушување на етичките и правните принципи во здравството, по повод неовластената посета на претседателот Александар Вучиќ и медиумски екипи на тешко повредените пациенти од Северна Македонија, кои беа хоспитализирани во Белград.

Барањето, објавено од организаторите на протестите и пренесено од дел од српските медиуми, се однесува на посетата на 17 март, кога Вучиќ заедно со новинари влезе во одделението за интензивна нега во Ургентниот центар на Универзитетскиот клинички центар на Србија (УКЦС), каде беа сместени преживеани од трагичниот пожар во дискотеката во Северна Македонија, во кој загинаа повеќе од 60 лица.

„Бараме итна постапка за утврдување одговорност и разрешување на директорот на УКЦС, директорот на Ургентниот центар и началникот на Интензивна нега,“ стои во соопштението на студентите. Тие нагласуваат дека посетата била извршена без соодветна заштитна опрема и без дозвола, со што било загрозено здравјето на пациентите, како и нивното право на приватност и достоинство.

Според студентите, ваквиот чин претставува директен напад врз медицинската етика и демонстрација на „злоупотреба на политичката моќ за медиумски профит“, во момент кога пациентите се наоѓале во животна опасност.

Посетата на Вучиќ беше објавена во повеќе медиуми, со видеа и фотографии од болничките соби, што дополнително ги разгневи јавноста и предизвика критики за злоупотреба на трагедијата во политички и пропагандни цели.

Меѓу барањата на студентите, кои протестираат под слоганот „Блокада за правда“, ова е првото што директно таргетира однесување во здравствениот систем и бара институционална одговорност. Според нив, ова не е само прашање на политика, туку на основните човекови права и достоинство.

„Никој нема право да гази по телата на преживеаните, особено не во најранливата состојба — додека се борат за живот. Ова не смее да помине без последици,“ порачуваат студентите.

Засега, ниту УКЦС ниту Кабинетот на претседателот немаат официјална реакција на овие обвинувања.