Судот пресуди: АХВ цела година лажела дека водата во Струмица е неисправна

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Судот пресуди: АХВ цела година лажела дека водата во Струмица е неисправна – Општината најавува кривична пријава

02 јули 2025

• од Станча Јаќимовски

Судот донесе правосилна пресуда со која ја отфрли жалбата на Агенцијата за храна и ветеринарство (АХВ) како неоснована, потврдувајќи дека водата за пиење во општина Струмица е безбедна и исправна, како што тврдела општината во изминатите дванаесет месеци.

Градоначалникот на Струмица, Костадин Костадинов, ја објави пресудата на социјалните мрежи, обвинувајќи ја АХВ дека цела година свесно лажела и ширела паника меѓу граѓаните со информации дека водата е неисправна.

„За рејтинг се спремни да ги лажат луѓето дека не треба да пијат вода. Срам, мизерија и ниски страсти,“ изјави Костадинов, додавајќи дека општината ќе поднесе кривична пријава против директорот на АХВ поради предизвикување страв и паника.

Тој потсети дека целата година водата во Струмица била лабораториски потврдена како чиста, питка и биохемиски исправна, но на населението му било забранувано да ја користи поради лажните тврдења на АХВ.

Костадинов во својата објава повторно ги обвини и опозициските структури од ВМРО-ДПМНЕ, посочувајќи дека биле подготвени да ја искористат кризата за политички цели:
„Како што кажав, ВМРО-ДПМНЕ се подготвени да остават цел град без вода само за да предизвикаат криза која потоа ќе ја користат за сопствени политички потреби,“ рече тој.

Градоначалникот порачува дека „на лагата ѝ се кратки нозете“ и дека оваа судска одлука е доказ за тоа.

„Блиску е октомври, а народ гледа,“ заклучи Костадинов, најавувајќи дополнителни правни чекори против раководството на АХВ.