Судскиот совет го разреши судијата Енвер Беџети, кој е на црната листа на САД

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Судскиот совет го разреши судијата Енвер Беџети, кој е на црната листа на САД

03 октомври 2025

• од Станча Јаќимовски

Судскиот совет донесе одлука за разрешување на судијата од Апелацискиот суд Скопје, Енвер Беџети. Одлуката беше донесена на 26 мај 2025 година, по спроведена постапка за утврдување на неговата одговорност.

Беџети ја обжали одлуката, но Советот за одлучување по жалба при Врховниот суд на денешната седница ја потврди првичната одлука на Судскиот совет, со што разрешувањето останува во сила.

На црната листа на САД

Името на Енвер Беџети се најде на црната листа на Соединетите Американски Држави во декември 2024 година. Заедно со него беше санкциониран и Артан Груби, поранешен прв вицепремиер и министер за политички систем и односи меѓу заедниците.

САД ги обвинија Беџети и Груби за примање мито и одолговлекување на судски предмети, особено оние поврзани со кривичното осудување на поранешниот директор на УБК, Сашо Мијалков.

Ставот на американската амбасада

При објавувањето на санкциите, американската амбасадорка во Скопје, Ангела Агелер, изјави дека назначувањето на Груби и Беџети е доказ дека „политичкото мешање во судството не може – и нема – да се толерира“.

„Соединетите Американски Држави ќе продолжат да ги именуваат оние кои се вклучени во значителна корупција што ги поткопува демократските институции и ја нагризува јавната доверба. Никој не е над законот, а одговорноста е од суштинско значење за напредок,“ истакна Агелер.