Суспендирани инспекторите од УЈП кои најавувале контроли во кочанската дискотека „Пулс“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Суспендирани инспекторите од УЈП кои најавувале контроли во кочанската дискотека „Пулс“

01 октомври 2025

• од Станча Јаќимовски

Инспекторите од Управата за јавни приходи (УЈП) кои стапиле во контакт со синот на сопственикот на кочанската дискотека „Пулс“ – местото каде што се случи трагедијата – се суспендирани додека трае постапката за утврдување на фактичката состојба.

Од УЈП за „Слободен печат“ потврдуваат дека суспензијата е донесена откако во документарецот на Истражувачката репортерска лабораторија беа објавени пораки во кои се споменуваат двајца даночни инспектори. Еден од нив, според информациите, е брат на претседателката на Кривичниот суд, Даниела Димовска.

Сомнежи за оддавање даночна тајна

„Во објавата беа презентирани комуникации меѓу вработени лица и даночен обврзник, кои укажуваат на можност за оддавање на даночна тајна, како и неовластено информирање за претстојни контроли и координирани активности со други надлежни институции. Ваквото однесување претставува сериозно прекршување на Кодексот на однесување на вработените во УЈП,“ велат од институцијата.

Внатрешна проверка и заштита на интегритетот

УЈП информира дека веднаш по објавата започнала внатрешна проверка на наводите, а како мерка за заштита на институционалниот интегритет, угледот и довербата на граѓаните, е донесено решение за суспензија на вработените кои се опфатени во случајот.

„Управата за јавни приходи останува цврсто посветена на принципите на законитост, транспарентност и професионализам, и ќе продолжи да спроведува нулта толеранција кон секое однесување што ги нарушува овие вредности. Граѓаните можат да бидат уверени дека УЈП ќе продолжи да делува исклучиво во јавен интерес, со највисоко ниво на етика, одговорност и отчетност,“ стои во официјалниот одговор на институцијата.