СВР Скопје го расчисти обидот за убиство во Чаир, поднесени кривични пријави против три лица

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СВР Скопје го расчисти обидот за убиство во Чаир, поднесени кривични пријави против три лица

05 јуни 2025

• од Станча Јаќимовски

Секторот за внатрешни работи Скопје – Единица за насилен криминал поднесе кривични пријави против три лица од Скопје поради обид за убиство што се случил на 1 јуни 2025 година во скопската населба Чаир.

Против лицето Г.А. (33) е поднесена кривична пријава за сторено кривично дело „убиство“ во обид, согласно член 123 во врска со член 19 од Кривичниот законик, додека против Б.С. (35) и А.С. (40) е поднесена пријава за „помагање“ во обид за убиство, по член 24 во врска со истите членови.

Според информациите од полицијата, случајот бил пријавен на 1 јуни околу 22 часот, кога од Градската општа болница „Св. Наум Охридски“ било известено дека кај нив е донесено лице со убодни рани – И.А. (38) од Скопје. Настанот се случил околу 21:45 часот пред фитнес клуб во Чаир, каде И.А. и неговиот брат А.А. (32) се обиделе да ги разделат три лица кои физички се пресметувале, по што биле нападнати со остар предмет.

Во нападот и А.А. се здобил со убодни рани и бил хоспитализиран на Клиничкиот центар „Мајка Тереза“, каде му била укажана лекарска помош. Подоцна истиот ден, и лицето Б.Р. (25) се јавил на преглед во болницата „Св. Наум Охридски“.

Благодарение на спроведените истражни мерки и прибраните докази, полицијата ги идентификувала и уапсила осомничените на 3 јуни 2025 година, со помош на Единицата за интервентна полиција при СВР Скопје.

По консултации со јавен обвинител, против тројцата е поднесена кривична пријава. На Г.А. му е одредена мерка притвор во траење од 30 дена, додека Б.С. и А.С. добија мерка домашен притвор, исто така во времетраење од 30 дена.