Талески: Скандалот со Стефковски е доказ за распадот на МВР

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Талески: Скандалот со Стефковски е доказ за распадот на МВР

29 април 2025

• од Вардарски

Скандалот со братот на градоначалникот на Гази Баба, Бобан Стефковски, уште еднаш ја разоткри длабоката криза и нефункционалноста на Министерството за внатрешни работи (МВР), изјави пратеникот на СДСМ, Миле Талески, во Собранието, при расправата за интерпелацијата на министерот Панче Тошковски.

„‘Брат да ми е ќе одговара’, велеше Тошковски. Епа еден брат – на градоначалникот Стефковски – беше фатен како лета низ улиците во градот. Полицијата го запрела за прекршок, но по повик до МВР, бил пуштен“, посочи Талески.

Тој го обвини министерот дека не постапува проактивно и дека институцијата која ја води се базира на прикривање скандали, а не на спроведување на законот.

„Откако СДСМ го објави видеото, братот на Стефковски отишол во станица и се пријавил сам. Доколку тоа не беше јавно споделено, ниту ќе признаевте, ниту некој ќе беше санкциониран. Граѓаните не се наивни“, истакна Талески.

Пратеникот на СДСМ истакна дека скандалот е јасен показател за тоа дека системот е нефункционален, а одговорноста, според него, лежи директно кај министерот Тошковски.

„Министерот чека луѓето сами да се пријават или медиумите и опозицијата да ги откриваат скандалите. Тоа не е работа на министер“, додаде тој.

На крајот од своето излагање, Талески повика на поддршка за интерпелацијата: „Гласот ЗА интерпелација на Тошковски е глас за правда, за закон кој важи за сите, вклучително и за функционерите на власта“.