Таравари до Касами: Како можеш да прифатиш 800.000 евра од Србија за црква?!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Таравари до Касами: Како можеш да прифатиш 800.000 евра од Србија за црква?!

07 октомври 2025

• од Станча Јаќимовски

Лидерот на Алијансата за Албанците, Арбен Таравари, на синоќешниот митинг на Националната алијанса за интеграција (АКИ) во Боговиње, остро го осуди, како што рече, „скандалозниот“ случај на донација од Србија во вредност од 800.000 евра за изградба на црква и гробишта во Општина Тетово, со градоначалник Билал Касами.

Таравари пред присутните граѓани изрази длабока загриженост за, како што рече, „парадоксалниот развој на настаните во една албанска општина“. Според него, српска компанија донирала 800 илјади евра за изградба на православна црква и гробишта на општинска земја со албанско мнозинство.

„Дали некогаш сте слушнале во овие 35 години независна Македонија, српска компанија да донира 800 илјади евра во албанска општина? Ако да – кажете ми во која. Зошто токму Тетово?“, праша Таравари, потенцирајќи дека случајот е повеќе од локален проблем.

Тој оцени дека станува збор за прашање со политичка, историска и симболична тежина, кое, според него, не смее да се игнорира.

„Ова не е обична тема. Зад такви ‘донации’ често стои јасна политичка порака. Ова не е помош за верски објект, туку порака испратена со одредена цел,“ додаде Таравари.

Лидерот на Алијансата потсети дека веќе реагирал и порано, поставувајќи транспарент со натпис „Тие 800.000 евра не се за училиште, туку за црква и гробишта“.

Според него, Боговиње и Тетово се тесно поврзани, па ваквите случувања, како што рече, „не можат да ги остават рамнодушни“ граѓаните на целиот тетовски регион.

„Зар не е ова апсурдно? Да се гради црква на албанска општинска земја со пари од српска компанија, а потоа да се вели дека тоа е заслуга на ВМРО? Ова е срамно. Ова е провокација,“ заклучи Таравари, добивајќи аплауз од присутните.