Таравари: Мицкоски сам ќе побара предвремени парламентарни избори

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Таравари: Мицкоски сам ќе побара предвремени парламентарни избори

22 октомври 2025

• од Станча Јаќимовски

Претседателот на Алијансата за Албанците (АШ), Арбен Таравари, изјави дека премиерот Христијан Мицкоски по Нова година сам ќе побара одржување на предвремени парламентарни избори.

Во изјава за „Локално“, Таравари се осврна на критиките од коалицијата ВЛЕН, нагласувајќи дека не се чувствува како губитник.

„Во Гостивар победивме со резултат 4:1, двојно повеќе од сите противници заедно. Во Врапчиште резултатот беше уште поубедлив – 9:1. Во Сарај, за жал, загубивме со околу 580 гласа, иако сите анкети покажуваа дека нашиот кандидат води со 2:1. Сепак, горд сум што промовиравме кандидат кој ги освои срцата на многу Албанци во Македонија“, изјави Таравари.

Тој додаде дека во Теарце изборната трка била жестока, а таму победил кандидатот на ВЛЕН, што, според него, е дел од нормалниот демократски процес.

„АКИ освои повеќе гласови од ВЛЕН“

Таравари истакна дека коалицијата Алијанса за национална интеграција (АКИ) добила повеќе гласови од ВЛЕН, но сепак, како што рече, таборот на Меџити, Касами и Гаши се прогласил за победник поради резултатите во Чаир и Тетово.

Во врска со барањето за оставка на лидерот на ДУИ, Али Ахмети, Таравари изјави дека тоа е нивно право:
„Не знам како може да се прогласат за победници кога имаат повеќе од 20 илјади гласови помалку од АКИ. Тоа е нивно право, ние ќе одиме во втор круг во општини каде нема попис на население, конкретно Гостивар и Врапчиште. Кога ќе се повторат изборите, повторно убедливо ќе победиме. Им посакувам само среќа и здравје.“

„Мицкоски ќе ги побара изборите“

Говорејќи за можноста за предвремени парламентарни избори, Таравари нагласи дека по завршувањето на вториот круг ќе следи анализа на резултатите, по што ќе се разговара за понатамошните чекори.

„Ние и понатаму сметаме дека европскиот пат е многу важен за Македонија. Нема да инсистираме, но сам премиерот Мицкоски ќе побара предвремени парламентарни избори по Нова година“, рече Таравари, потенцирајќи дека неговата партија продолжува да делува како независна политичка сила.