Таравари од Теарце: Албанците секогаш се обединуваат во најкритичните моменти

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Таравари од Теарце: Албанците секогаш се обединуваат во најкритичните моменти

15 октомври 2025

• од Станча Јаќимовски

На централниот митинг на Алијансата за Албанците во Теарце, одржан во поддршка на кандидатот за градоначалник Назим Таипи, лидерот на партијата Арбен Таравари одржа инспиративен говор посветен на потребата од политичко единство на Албанците и на историските искуства кои, според него, довеле до поделби во минатото.

„Многумина не прашуваат зошто се обединивме. Албанците секогаш знаеле да се обединат во најкритичните моменти,“ изјави Таравари, потенцирајќи дека тоа требало да се случи многу порано – уште од 2002 година.

Според него, тогаш бил вистинскиот момент да се изгради заеднички албански фронт кој би го променил коренито државниот систем. „Имаше обиди за обединување и тогаш, но некои непознати сили го спречија процесот. Да се случеше тоа, Охридскиот договор ќе беше одамна целосно спроведен, а Македонија денес ќе беше членка на Европската Унија,“ рече тој.

Таравари се осврна и на 2008 година, кога повторно, според него, постоеле обиди за обединување на албанските партии. „На тие избори, кои беа срам за целиот свет, Албанците се судрија меѓусебно наместо да останат обединети. Тоа беа најлошите избори во историјата на Северна Македонија,“ оцени тој.

Тој потсети дека државата мораше да чека до 2018 година за да стане членка на НАТО, и додаде дека како кандидат за претседател минатата година предупредувал да не се повтори „Букурешт од 2008 година“, кој, според него, ѝ донел на државата десетгодишно задоцнување во евроатлантските интеграции.

„Двајцата албански премиери, Албин Курти и Еди Рама, ме прашаа дали можеме да се обединиме. Им реков: да, нека се обединиме барем до почетокот на преговорите за ЕУ. И со господинот Али Ахмети разговарав за ова прашање, и тој ми рече: ‘Претседателе, пробај, но оваа работа не се прави’. Тоа беше речиси невозможна мисија, иако ја имав поддршката од двата премиери,“ откри Таравари.

Тој нагласи дека, за разлика од дел од македонските политичари, „оваа држава повеќе ја сакаат Албанците, Турците и другите заедници отколку самите македонски политичари.“

На крајот од говорот, лидерот на Алијансата за Албанците се осврна и на учеството на партијата во владата на Мицкоски и причините за напуштањето на таа коалиција:
„Не можевме да го трпиме тоа потчинување. Затоа решивме да излеземе, бидејќи достоинството и еднаквоста се вредности кои не се преговараат,“ порача Таравари.