Таткото на Мартин Сипковски: „Мојот син беше измамен, а не криминалец“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Таткото на Мартин Сипковски: „Мојот син беше измамен, а не криминалец“

10 октомври 2025

• од Станча Јаќимовски

Со неизмерна болка и неверување, Дејан Сипковски, таткото на 21-годишниот Македонец Мартин Сипковски кој трагично загина во експлозијата во Белград, се обрати до јавноста со трогателно писмо. Тој категорично тврди дека неговиот син бил жртва на измама, а не криминалец, како што дел од медиумите го претставуваат.

„Мартин имаше соништа и надежи, не криминални намери“

„Мартин имаше само 21 година. Беше студент на Факултетот за менаџмент, манекен и поранешен ракометар на РК Вардар — млад човек со многу енергија, големи соништа и надежи за иднината,“ напиша неговиот татко.

Тој опиша дека Мартин, како и многу млади луѓе, бил бунтовен, но никогаш насилен. „Имаше детски и пубертетски грешки, но никогаш не бил дел од тежок криминал,“ нагласи Сипковски.

Обвинение без докази и неправедна постапка

Во своето обраќање, таткото потсети дека Мартин бил една година во домашен притвор во Македонија во рамки на истрага која, според него, од почеток била сомнителна. „Сите докази укажуваа дека тој не бил присутен на местото на настанот. Не беше ниту првообвинет во случајот, туку подоцна беше вклучен, додека вистинскиот обвинет одамна е избеган во Белград и има сериозно криминално досие,“ напиша тој.

Семејството, како што вели, смета дека Мартин бил вовлечен во нешто со што немал никаква вистинска поврзаност и бара сериозни одговори од институциите.

Измамен и злоупотребен

„Мартин беше исплашен и разочаран од системот, особено по неправедната пресуда. Очекувавме дека со жалбата ќе биде ослободен. Но, пред тоа да се случи, замина во Белград — исплашен, збунет и, како што веруваме, измамен и злоупотребен од луѓе кои ја искористиле неговата доверба,“ вели таткото.

Тој додава дека постојат сомнежи дека некој го навел Мартин да побегне во Србија, со лажни ветувања дека ќе може да замине во трета држава. „Бараме целосна, темелна и објективна истрага — не само од српските, туку и од македонските институции. Вистината мора да се открие до крај,“ апелира Сипковски.

Апел до медиумите

Во писмото, тој се обрати и до новинарите:
„Посебно им се обраќам на медиумите и порталите да покажат човечност и професионалност. Зад секој наслов стои едно скршено семејство и млада ќерка од 17 години која ги чита тие текстови. Пишувањето без проверка не само што ја нарушува вистината, туку и ја продлабочува нашата болка.“

Завршна порака

Дејан Сипковски ја заврши својата изјава со зборови полни болка и решителност:
„Нашето семејство останува скршено од болка, но решено да се бори за вистината за Мартин. Тоа му го должиме на него, на неговото име и на неговиот мир.“

Неофицијални информации и истрага

Српските медиуми, повикувајќи се на полициски извори, објавија дека Мартин загинал поради неправилно ракување со бомба која, наводно, била набавена за извршување на убиство поврзано со организиран криминал. Овие наводи засега не се потврдени официјално. Истрагата е во тек, со размена на информации меѓу српските и македонските институции.

Настанот се случи на 1 октомври. Мартин Сипковски претходно беше неправосилно осуден на седум години затвор за „обид за убиство“ — случај кој неговото семејство го оспорува како неправеден и неоснован.