Текстилната индустрија во Македонија во слободен пад

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Текстилната индустрија во Македонија во слободен пад

16 септември 2025

• од Станча Јаќимовски

Текстилната индустрија во Македонија со години се соочува со сериозни предизвици, а последните месеци ситуацијата станува уште потешка. За само осум месеци затворени се најмалку десет конфекции, најмногу во источниот дел на земјата. Според Ангел Димитров од Организацијата на работодавачи, дури и оние фабрики што сè уште работат се приморани да го намалат бројот на работници, бидејќи странските партнери ги пренасочуваат нарачките во други земји.

Масовни затворања и намалувања

„Јас немам точен податок, но според колегите, најмалку десет конфекции го ставија клучот на врата. Тие што не затвораат го намалуваат бројот на работници, особено кога постарите заминуваат во пензија. Нови кадри речиси и да не се вработуваат, што значи дека дејноста не се одржува на претходното ниво,“ изјави Димитров.

Три кризи и пад на нарачките

Текстилниот сектор преживеа три големи кризи, но последиците се јасни – намалување на нарачките од традиционалните германски партнери. Македонските конфекции денес работат на значително помали налози, кои ги преземаат поради тоа што ги одбиваат поголемите играчи како Бангладеш.

Бројки што загрижуваат

И покрај тешкотиите, во индустријата сè уште работат околу 25.000 луѓе. Но, трендот е јасен: од 2010 година наваму производството на облека постојано опаѓа, а со тоа се намалуваат и бројот на работници и извозот. Пандемијата само го забрза овој процес, а дополнителен удар донесоа енергетската криза, војната во Украина и економските проблеми во Германија – најголемиот извозен партнер на Македонија.

Доминира лон-производството

Македонските конфекции и понатаму се потпираат главно на лон-производството, кое учествува со 93% во секторот. Само 7% од производството се однесува на домашни брендови. Според официјалните податоци, минатата година извозот на текстилната и кожарската индустрија изнесувал 518,5 милиони долари, што претставува 6,15% од вкупниот извоз на земјата.