Тодор Батков: Грција треба да плаќа на Бугарија за водата што ја користи 29 години бесплатно

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Тодор Батков: Грција треба да плаќа на Бугарија за водата што ја користи 29 години бесплатно

01 април 2025

• од Вардарски

Бугарскиот јавен и правен експерт Тодор Батков-син остро реагираше на неправедната распределба на водите од реката Места (Нестос), која извира во Бугарија, но потоа тече кон Грција. Според него, време е Бугарија да бара финансиска компензација за ова природно богатство кое со години се користи во корист на грчката економија, без никаква надомест.

Според договорот меѓу Бугарија и Грција од 1995 година, кој стапи на сила во 1996-та и важи до 2031 година, Грција требаше да добива 29% од водниот потенцијал на реката Места. За возврат, се обврза да отвори три гранични премини: Гоце Делчев, Рудозем и Златоград. Но, и по речиси три децении, преминот Рудозем сè уште не е отворен, што претставува директно прекршување на договорот.

Дополнително, иако договорот предвидува редовно мерење на количината вода што ја користи Грција, тоа никогаш не било спроведено. Според Батков, реалната ситуација е дека Грција денес користи дури 90% од водите на Места — повеќе од тројно од она што било договорено.

Грција ја користи оваа вода за производство на електрична енергија во хидроелектраната „Тисаврос“, што ѝ носи годишни приходи од околу 500 милиони евра. Во меѓувреме, бугарскиот регион околу Гоце Делчев се соочува со суши, нема системи за наводнување, и жителите имаат водни рестрикции во лето.

„Зошто Бугарија да дава вода бесплатно, додека друг профитира од неа? Ваквото однесување е неприфатливо“, вели Батков. Тој повикува на итна ревизија на договорот и бара Бугарија да воведе финансиски компензации за користењето на нејзините води.