Томас Вајц: И другите менуваа устав – С. Македонија да ги направи измените и да почнеме

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Томас Вајц: И другите менуваа устав – С. Македонија да ги направи измените и да почнеме

25 јуни 2025

• од Гоце Кически

Европратеникот Томас Вајц изјави вчера дека Европскиот парламент јасно ја изразува својата волја и поддршка за пристапниот процес на Северна Македонија кон Европската Унија, но потенцираше дека процесот е заснован на заслуги, што значи дека земјата мора да ги исполни неопходните услови.

„Мислам дека ова покажува јасна волја и јасна поддршка од Европскиот парламент за процесот на пристапување, но тоа е процес заснован на заслуги, па затоа се потребни реформи, потребна е уставна промена, а можеби и не е последната“, изјави Вајц.

Тој потсети дека и другите земји-членки на ЕУ морале да спроведат уставни измени за да можат да се приклучат кон Унијата, заради усогласување со заедничкиот пазар и заедничкото законодавство.

„Сите наши земји мораа да направат уставни промени за да се приклучат кон Европската Унија, заедничкиот пазар и заедничкото право. Тоа е нормален процес“, нагласи Вајц.

Во тој контекст, тој апелираше до Северна Македонија да го направи следниот чекор: „Значи, направете ја уставната измена за конечно да можеме да ги започнеме вистинските преговори“.

Изјавата на Вајц доаѓа во критичен момент за македонските евроинтеграции, кога се очекува земјата да направи значајни чекори за отворање на кластерите во преговорите со ЕУ.