Трајчулески до Мицкоски: Дали се разводнува истрагата за трагедијата во Кочани за да се заштитат актуелни функционери?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Трајчулески до Мицкоски: Дали се разводнува истрагата за трагедијата во Кочани за да се заштитат актуелни функционери?

24 април 2025

• од Вардарски

На денешната собраниска седница посветена на пратенички прашања, пратеникот од редовите на СДСМ, Митко Трајчулески, јавно го праша премиерот Христијан Мицкоски за транспарентноста и насоката на истрагата за трагедијата што неодамна ја потресе државата – пожарот во дискотеката во Кочани, во кој трагично загинаа 62 млади лица, а повеќе од 100 беа повредени.

Трајчулески ја критикуваше Владата и институциите за, како што рече, отсуство на морална одговорност по катастрофата од вакви размери. Според него, повеќе од еден месец по трагедијата, ниту еден функционер не поднел оставка, што, како што истакна, е поразително за секоја влада која се соочува со толкава човечка загуба.

Во својот говор, пратеникот укажа на наводни сериозни пропусти од страна на Министерството за внатрешни работи, меѓу кои и непостоењето на официјален план за обезбедување на настанот, непроценет ризик, дозволување употреба на пиротехника во затворен простор, и толеранција кон присуство на малолетници на нелиценциран објект.

„Истрагата е селективна и насочена кон лица кои веќе со години не се носители на јавни функции, додека актуелните функционери кои директно би можеле да сносат одговорност – остануваат заштитени“, изјави Трајчулески. Тој го обвини премиерот и Владата за обид да се „разводни“ истрагата преку вклучување на актери и настани од пред повеќе децении, наместо да се утврди директната одговорност за она што се случило во моментот на трагедијата.

Трајчулески јавно го праша премиерот дали постои свесна и намерна стратегија за разводнување на истрагата со цел да се заштитат актуелни функционери, и дали ова претставува обид да се избегне вистинската правда, која, според него, мора да биде водена од словото на законот, а не од политички интереси.

„На семејствата на жртвите и на повредените најмалку што им должи оваа држава е – правда“, порача Трајчулески, нагласувајќи дека таа правда мора да опфати и директни и индиректни одговорни лица, без разлика на нивната моментална позиција или политичка припадност.