Трајковски алармира: Нема наговестување за запирање на опаѓањето на Преспанското Езеро

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Трајковски алармира: Нема наговестување за запирање на опаѓањето на Преспанското Езеро

18 септември 2025

• од Станча Јаќимовски

Нивото на Преспанското Езеро продолжува драматично да опаѓа и да соборува антирекорди. Според податоците на професорот Дејан Трајковски, за првпат откако се вршат мерењата, езерото паднало под психолошката граница од 841 метар надморска височина. Денешното ниво изнесува 840,97 метри, односно -663 сантиметри во однос на референтното ниво од 847,60 метри.

Историски минимум

Во моментов, уште во средината на септември, езерото е за 19 сантиметри пониско од ланскиот и историски минимум. Според прогнозите, до декември нивото би можело да достигне кота -690 сантиметри, што ќе претставува нов негативен рекорд.

Тренд на опаѓање

Во изминатите две години, Преспанското Езеро губи по околу 50 сантиметри годишно од своето ниво, што претставува околу 125 милиони кубни метри вода. Денеска, езерото е цели 55 сантиметри пониско во споредба со истиот ден минатата година.

Длабочина и волумен

Иако деталните пресметки за вкупниот волумен на водата и просечната длабочина ќе бидат објавени дополнително, ориентационо се проценува дека просечната длабочина изнесува околу 8 метри. Поголемиот дел од дното е на длабочина од околу 9,5 метри, што уште повеќе ја нагласува сериозноста на ситуацијата.

Без знаци на стабилизација

Она што најмногу загрижува е фактот дека нема никакви наговестувања за забавување на овој надолен тренд. Напротив, состојбата на Преспанското Езеро укажува на континуирано губење на водата, со сериозни последици за регионот, екосистемот и локалната економија.