Трагедијата во Кочани е трета со најголем број на жртви во историјата на Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Трагедијата во Кочани е трета со најголем број на жртви во историјата на Македонија

17 март 2025

• од Вардарски

Катастрофата во Кочани беше трета најголема трагедија од осамостојувањето на Македонија по бројот на жртви. Првите две се урнатите авиони во Скопје и во Охрид, па после нив следува оваа трагедија.

Ова се трагедиите со најголем број на жртви во историјата од осамостојувањето на Македонија:

Авионска несреќа на Авиоимпекс кај Охрид (20.11.1993) – во Тројани се сруши авион од типот Јаволев Јак-42Д на „Авиоимпекс“ кој се враќа за Скопје од Женева. Истиот бил пренасочен поради лошо време. Загинаа вкупно 116 лица, од кои 108 патници и осум членови на екипажот. Еден патник првично ја преживеа несреќата, но подоцна им подлегна на повредите.
Авионска несреќа на Палер Македонија во близина на скопскиот аеродром (05.03.1993) – Авион на компанијата Палер Макеоднија од типот Фокер 100, се урна веднаш по плетувањето од аеродромот во Скопје, на 400 метри од пистата. Загинаа 83 лица, а 14 патници ја преживеаја несреќата. Авионот требаше да лета од Скопје до Цирих.
Пожар во дискотеката „Пулс“ во Кочани (16.03.2025) – во пожар на концерт на групата ДНК, загинаа минимум 59 лица. Оваа бројка може да не е конечна, затоа што повеќе од 20 лица во моментов се борат за живот.
Автобус на Беса Транс изгоре во Бугарија (23.11.2021) – несреќата се случи на автопатот Струма. Околу 2 часот, автобусот излетал од патот, при што се запали. Загинаа 45 лица, од кои 12 деца. Седум лица се спасија, а меѓу загинатите е и возачот на автобусот.
Во поплавите во скопско Стајковци 06.08.2016 година, загинаа 22 лица. Првично животите ги загубија 21 лице, а потоа беше пронајдено уште едно 12-годишно дете.
Автобуска несреќа Ласкарци (13.02.2019) – Автобус на „Дурмо Турс“ кој сообраќаше од Скопје до Гостивар, на излезот од Скопје кај селото Ласкарци, излета од патот и најпрво од другата коловозна лента, па во провалија. Загинаа вкупно 16 лица.
Бродска несреќа во Охрид (05.09.2009) – бродот „Илинден“ потона во близина на кампот Елешец во Охридското езеро. Животите ги загубија 15 лица, во бродот имало 45 патници. Сите загинати патници беа од Бугарија.
Пожар во модуларната болница во Тетово (08.09.2021) – за време на пандемија се случи катастрофален пожар во модуларната болница во Тетово, при што загинаа 14 лица.
Авионска несреќа на владиониот авион во Мостар (26.02.2004) – авионот од типот Кингер со претседателот Борис Трајковски и претставници од неговиот кабинет, се урна во близина на Мостар (БиХ). Животите ги загубија девет лица кои се превезуваа со авионот. Авионот леташе од Скопје до Мостар, но пред слетувањето во лоши временски услови го губи контактот и се урива кај Столац во близина на Мостар.