ТрансФормА вика: „Не сакаме да бидеме невидливи! Транс заедницата бара правда во С. Македониjа!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ТрансФормА вика: „Не сакаме да бидеме невидливи! Транс заедницата бара правда во С. Македониjа!

31 март 2025

• од Гоце Кически

На 31 март, денот кога ширум светот се слават животите, отпорот и придонесот на трансродовите луѓе, ТрансФормА, иницијатива за заштита и унапредување на правата на трансродовите лица во Република Северна Македонија, упати силен апел за промени, солидарност и правда. Овој ден не е само време за прослава, туку и момент за јасно адресирање на маргинализацијата, дискриминацијата и насилството со кои се соочува транс заедницата.

„Овој ден е повик за правда, за промени и за солидарност,“ велат од ТрансФормА. „Во С. Македонија, по седми пат го организираме Маршот на видливост, но оваа година, само две недели по трагедијата во Кочани, не можеме да маршираме со срца обвиени во болка.“

Иако Маршот на видливост ќе се одржи по седми пат, годинава, по трагичните настани во Кочани, ТрансФормА реши да не одржи марш. Наместо тоа, како организација која се бори за правата на трансродовите лица, тие ќе се обраќаат до јавноста, стоејќи заедно со сите оние кои бараат правда и еднаквост за сите луѓе, без разлика на нивниот родов идентитет.

„Ова не е избор за невидливост. Напротив, нашиот глас, нашата борба и нашата солидарност остануваат силни,“ продолжуваат од ТрансФормА. „Не сакаме да чекориме низ улиците како ништо да се случило. Оваа година сведочевме за систем кој не само што нè маргинализира како заедница, туку и ги обезвреднува сите животи.“

Од организацијата истакнуваат дека Транс заедницата секојдневно се соочува со отфрлање, игнорирање и оставање на маргините на општеството. Затоа, повикуваат на меѓусебна грижа и солидарност, бидејќи, како што велат, тие се единствената поддршка во систем кој често ги остава настрана.

ТрансФормА исто така предупредува на опасноста што ја носат конзервативните анти-родови движења, кои шират страв, дезинформации и омраза кон транс заедницата. „Нивната реторика има за цел да ги поткопа нашите права и достоинството на транс луѓето. Мораме да се спротивставиме на оваа штетна агенда и да ги поддржиме вистинските семејни вредности – емпатијата, разбирањето и безусловната љубов,“ велат од организацијата.

Тие апелираат на семејни вредности кои подразбираат почит, инклузивност и поддршка за секоја индивидуа, без разлика на родовиот идентитет. Според нив, правото на трансродовите лица за еднаквост и достојство мора да биде заштитено и почитувано од сите.

„Семејните вредности не подразбираат омраза, исклучување или неприфаќање на различностите. Тие значат поддршка, почит и инклузивност за секоја индивидуа,“ додаваат од ТрансФормА.

Како заклучок, ТрансФормА повикува на единство и акција. „На овој ден, апелираме до целата јавност: да се обидеме заедно да ги прифатиме транс луѓето како рамноправни членови на општеството, кои заслужуваат љубов, почит и заштита. Да се залагаме за иднина каде што ќе можеме да живееме автентично, без страв од насилство или дискриминација.“

Трансродовите лица во С. Македонија и ширум светот продолжуваат да се борат за своите права и видливост. ТрансФормА ги повикува сите да се приклучат во оваа важна борба за еднаквост, правда и достоинство за сите. Заедно можеме да изградиме свет во кој сите животи се вреднуваат. Транс правата се човекови права.