Тренчевска: Граѓаните едвај врзуваат крај со крај – ќе прифатите ли зголемување на минималната плата на 500 евра?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Тренчевска: Граѓаните едвај врзуваат крај со крај – ќе прифатите ли зголемување на минималната плата на 500 евра?

12 септември 2025

• од Станча Јаќимовски

На денешната собраниска седница посветена на пратенички прашања, пратеничката од СДСМ, Јована Тренчевска, се обрати до министерот за економија и труд, Бесар Дурмиши, со сериозни забелешки за животниот стандард на граѓаните и постојаното поскапување на основните трошоци.

Тренчевска истакна дека македонските работници се соочуваат со понижувачки услови и ниски примања, во време кога цените постојано растат. Таа потенцираше дека инфлацијата во земјата останува меѓу највисоките во Европа – во август изнесува 4,4%, наспроти европскиот просек од 2,1%. Особено загрижувачки, според неа, е фактот што храната е поскапа за 6,7%, а зеленчукот и овошјето за дури 11%.

Синдикалната кошничка достигнува рекорди

Пратеничката посочи дека минималната синдикална кошничка во јуни 2024 изнесувала 60.325 денари, а денес е 65.507 денари. Во истиот период, минималната плата пораснала за само 1.800 денари, што според Тренчевска претставува директен удар врз стандардот на граѓаните.

„Овие бројки се поразителни и доказ дека немате ниту капацитет ниту желба да ја зауздате инфлацијата. Наместо да ги заштитите граѓаните, вие застанавте на страната на профитите на големите маркети“, изјави Тренчевска.

Споредби со регионот

Во своето излагање, таа нагласи дека соседните земји веќе донеле одлуки за значително зголемување на минималната плата – во Албанија таа ќе изнесува 500 евра, а во Србија 550 евра. Македонските работници, како што рече, остануваат на дното.

„Македонската просечна плата е само 35% од просечната во ЕУ, а цените достигнуваат 60% од европскиот просек. Ова е доказ дека земјата тоне во сиромаштија“, предупреди Тренчевска.

Повик до власта

Тренчевска потсети дека СДСМ во време на најголемите кризи – ковид пандемијата и енергетската криза – успеала да ги зголеми платите и да обезбеди мерки вредни над 2 милијарди евра. „Минималната плата од 8.000 денари ја зголемивме на 22.500, а просечната од 22.000 на 40.000 денари. Вие ја прекинавте оваа спирала на раст во време кога нема никаква криза“, додаде таа.