Тренчевска побара оставка од Таравари поради скандалите во здравството

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Тренчевска побара оставка од Таравари поради скандалите во здравството

24 април 2025

• од Вардарски

На денешната седница за пратенички прашања, пратеничката од СДСМ, Јована Тренчевска, остро го критикуваше министерот за здравство Арбен Таравари, обвинувајќи го за состојбата во здравствениот систем и повика на негова оставка. Тренчевска, од собраниската говорница, нагласи дека здравствениот систем во Македонија е во хаос, исполнет со неизвесност и страдање за пациентите.

„Во секоја одговорна држава, заштитата на здравјето на граѓаните е врвен приоритет“, изјави Тренчевска, додавајќи дека македонската Влада, и покрај ветувањата, не покажува грижа за здравјето на населението. Таа го спореди здравствениот систем со „тешко болен пациент, на кој му нема спас“ и посочи дека неспособноста на власта резултира со реални жртви меѓу пациентите.

Особено внимание посвети на неисполнетите ветувања за континуирана достапност на биолошка терапија за онколошките пациенти. Според неа, двапати за само три месеци, оваа терапија исчезнала од Клиниката за онкологија, оставајќи ги пациентите без животозаштитни лекови. Таа истакна дека за овие пациенти секој ден и секоја доза се пресудни.

Дополнително, Тренчевска го посочи случајот на Кардиохирургија, каде пациенти починале поради недостиг на сали и медицински материјал, што и Државниот здравствен и санитарен инспекторат го потврдил како сериозен пропуст.

Како особено трагични примери, таа ги наведе и податоците за 19 починати доенчиња и едно петгодишно девојче во текот на само шест месеци. „Ова не се само бројки, ова се животи што никогаш нема да се вратат“, рече Тренчевска.

Според неа, наместо фокусирање на здравството, министерот бил повеќе ангажиран со политички прашања и лични калкулации поврзани со локалните избори. Таа го обвини Таравари за незаинтересираност и рамнодушност кон народот.

„За оваа хуманитарна катастрофа мора да има одговорност“, порача Тренчевска, завршувајќи со директно прашање до министерот: „Дали чувствувате одговорност за страдањето на пациентите поради нефункционалниот здравствен систем и дали ќе поднесете оставка за сите скандали во здравството?“

Одговор од министерот Таравари засега нема.