Тренчевска: Политичка шминка – Муртезани се менува, а изолацијата од ЕУ останува

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Тренчевска: Политичка шминка – Муртезани се менува, а изолацијата од ЕУ останува

24 декември 2025

• од Станча Јаќимовски

Разрешувањето на министерот за европски прашања, Орхан Муртезани, не претставува вистинска реформа, туку обид за политичка шминка, оцени потпретседателката на СДСМ, Јована Тренчевска, на денешната собраниска седница. Според неа, Владата се обидува да создаде впечаток дека се случуваат промени, додека суштински состојбата останува иста, а државата и понатаму е изолирана од европските интеграции.

Тренчевска истакна дека проблемот не е во еден министер, туку во Владата како целина, која, како што рече, покажува неспособност, недостиг на визија и постојано бегање од одговорност. „Се менува Муртезани, ама изолацијата од Европската Унија останува“, нагласи таа, посочувајќи дека ваквите потези не носат реални резултати.

Според неа, додека јавноста е фокусирана на разрешувањето на еден функционер, голем број неспособни министри остануваат на своите позиции и продолжуваат да ја губат довербата на граѓаните. Таа ваквата пракса ја опиша како класичен политички театар.

„Ова е една жртва за да се сочува системот на неуспех. Се создава слика дека за застојот на европскиот пат е виновен еден човек, а не Владата која нема капацитет да спроведе реформи, нема храброст да преземе одговорност и нема контрола врз институциите“, изјави Тренчевска.

Таа додаде дека Владата не покажува резултати ниту во клучните области како економијата, здравството, образованието, социјалната заштита и подобрувањето на животниот стандард на граѓаните, што директно се одразува и на процесот на европските интеграции.

Потпретседателката на СДСМ нагласи дека застојот на патот кон ЕУ не е поврзан со личноста на Муртезани, туку со недоволниот капацитет и недостигот од политичка волја за вистински реформи од страна на Владата.

„Исто е кој е министер, нема никаква разлика. Шемата е иста – криминални тендери за профити. Без разлика кој е на функција, овие решенија се само извршители“, заклучи Тренчевска.