Тренчевска: Поразителна реализација на капиталните инвестиции на ВМРО-ДПМНЕ на локално ниво

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Тренчевска: Поразителна реализација на капиталните инвестиции на ВМРО-ДПМНЕ на локално ниво – само 3%

24 април 2025

• од Вардарски

Реализацијата на капиталните инвестиции на локално ниво од страна на ВМРО-ДПМНЕ изнесува поразителни 3%, што според пратеничката на СДСМ, Јована Тренчевска, е јасен показател за неспособноста на локалната власт. Таа ова го изјави во синоќешната емисија „Топ тема“ на телевизија Телма.

Тренчевска направи споредба со ситуацијата на централно ниво од април 2024 година, кога реализацијата на капиталните инвестиции изнесувала 16%. Според неа, тогашната опозиција од ВМРО-ДПМНЕ, која денес ја предводи владата, ја сметала оваа бројка за недоволна. „Сега, кога се на власт, не можат да достигнат ни 10%, што е уште еден доказ за нивната неефикасност“, рече Тренчевска.

Таа исто така ја потенцираше слабата реализација на најавените средства од унгарскиот кредит, кој требаше да обезбеди значајна финансиска поддршка за општините. „Најавуваа 250 милиони евра годишно, но во 2024 се реализираа само 80 милиони, а годинава ќе бидат максимум 90. Тоа се лагите што ги ширеа за време на кампањата“, додаде Тренчевска.

Пратеничката истакна дека наместо значајни капитални инвестиции, општините се фокусираат на мали и козметички проекти. „Од првиот повик на Владата нема никакви сериозни инвестиции. Освен паркчиња, бекатон плочки и чешми, не се гледаат детски градинки, старски домови или проекти за намалување на загадувањето“, нагласи Тренчевска.

Таа ги повика граѓаните да ги оценат резултатите на актуелната локална власт и самите да проценат дали добиваат она што им беше ветено во предизборието.