Тренчевска: Владата на Мицкоски ја турка државата во сиромаштија додека фантазира за „четврта економија во Европа“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Тренчевска: Владата на Мицкоски ја турка државата во сиромаштија додека фантазира за „четврта економија во Европа“

08 јули 2025

• од Станча Јаќимовски

Пратеничката од СДСМ, Јованка Тренчевска, на денешната прес-конференција остро ја критикуваше економската политика на Владата предводена од ВМРО-ДПМНЕ и Христијан Мицкоски, обвинувајќи ги дека ја туркаат државата во сериозна економска нестабилност и дека граѓаните секојдневно се соочуваат со се подлабока сиромаштија.

Според Тренчевска, последните податоци покажуваат сериозен раст на инфлацијата од 4,5% на годишно ниво, што според неа е директен резултат на „погрешните економски политики“ на Владата. Таа укажа на сериозни поскапувања во сите сектори – храната и безалкохолните пијалаци се зголемени за 6,3% во споредба со минатата година, облеката и обувките за речиси 3%, трошоците за домување и сметки за 2%, а здравствената заштита за 3,2%.

„Ова не се само бројки – ова се удари врз секој дом, врз секое семејство. Животот станува борба, а Владата доцни со секоја мерка. Помина една година и веќе е јасно – оваа власт е неспособна и неодговорна“, изјави Тренчевска.

Таа се осврна и на изјавите на премиерот Мицкоски за трансформација на Македонија во „четврта економија во Европа“, нарекувајќи ги „чиста фантазија“. Според неа, реалноста е поинаква – граѓаните се борат со опаѓање на куповната моќ, а економскиот раст е слаб. „Кога цените растат побрзо од економијата – тогаш тоа не е просперитет, туку осиромашување“, потенцираше таа.

Тренчевска истакна и дека, додека платите на функционерите се зголемуваат, минималната плата останува на исто ниво, а просечната стагнира. Во исто време, како што рече, Владата не штеди на скапи патувања, приватни авиони и ПР кампањи, додека работниците и обичните граѓани едвај врзуваат крај со крај.

„СДСМ, дури и во најтешките моменти – како ковид пандемијата и енергетската криза – ја зголеми минималната и просечната плата, ја триплираше социјалната помош и даде силна поддршка за пензионерите и компаниите. Ние покажавме што значи вистинска грижа за граѓаните и економијата“, заклучи Тренчевска.