Трендафилов: Ако пратениците не можат со 500 евра, што да кажат работниците со 395?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Трендафилов: Ако пратениците не можат со 500 евра, што да кажат работниците со 395?

03 април 2025

• од Вардарски

Претседателот на Сојузот на синдикатите на Македонија (ССМ), Слободан Трендафилов, остро реагираше на изјавите на дел од пратениците кои се пожалиле дека минималната плата од 500 евра не е доволна за живот во земјава. Во гостување во емисијата „Бизнис21“ на ТВ „21“, Трендафилов го постави прашањето што тогаш треба да кажат илјадници граѓани кои живеат со сегашната минимална плата од 395 евра.

„Пратениците почнаа да кукаат дека тешко било и со 500 евра да се живее во Македонија, а што да кажат овие со 395 евра?“, праша Трендафилов, потенцирајќи дека токму тие изјави се доказ за неопходноста од зголемување на минималната плата.

Овие изјави доаѓаат по неговиот предлог именуваните функционери една година да се обидат да живеат со минимална плата, за да го почувствуваат животот на просечниот работник.

Во друго медиумско појавување, во емисијата „Топ тема“ на Телма, Трендафилов предупреди дека ССМ нема да дозволи работниците да бидат жртва на политички притисоци. Тој посочи дека синдикалното раководство е изложено на сериозни напади, но дека нема да отстапат од борбата за подобри услови за сите вработени.

„Не исклучуваме можност утре да е протест, а другиот ден да биде генерален штрајк. Тоа што денеска им го покажавме е дека не се плашиме, без оглед на тоа колку нè напаѓаат“, рече Трендафилов, алудирајќи на јавната седница на ССМ која се одржа пред македонското Собрание.

Трендафилов потенцираше дека протестите или евентуалниот генерален штрајк ќе зависат од одлуката на самите членови на синдикатот, и нагласи дека тие се подготвени за сите сценарија доколку не добијат соодветен одговор од институциите.

„Владата се иззема од потребата за раст на платите, иако е најголемиот работодавач во државата. Тоа е опасен преседан. Во демократско општество, претставниците на работниците мора да бидат почитувани, дури и кога зборуваат работи што не ѝ одговараат на власта“, истакна Трендафилов.

ССМ веќе подолго време бара зголемување на минималната плата, а последните случувања сугерираат дека синдикатите се подготвени за ескалација на притисокот, сѐ додека нивните барања не бидат слушнати и прифатени.