Трендафилов: Функционери со 2.000 евра не можат да манипулираат гладни работници

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Трендафилов: Функционери со 2.000 евра не можат да манипулираат гладни работници

19 мај 2025

• од Вардарски

На 1 Мај, Меѓународниот ден на трудот, Сојузот на синдикатите на Македонија (ССМ) наместо традиционален марш, организираше масовен протест низ улиците на Скопје. Причината – ниските плати, непочитувањето на колективните договори и игнорантскиот однос на институциите кон економските барања на работниците.

Главната порака од протестот беше јасна: минималната плата мора да достигне најмалку 500 евра, а останатите плати да се зголемат за најмалку 100 евра. Претседателот на ССМ, Слободан Трендафилов, во интервју за „Фокус“ порача дека работниците мора да покажат единство, бидејќи живеат од плата – а не од политика.

„Очекуваме сите што му мислат добро на работникот да излезат со нас. Денес е време кога не само што нѐ бројат за репрезентативност, туку и гледаат колку луѓе ќе се одважат да застанат на страната на правдата и достоинството“, рече Трендафилов.

Протестот започна во 11 часот пред Работничкиот дом, а потоа продолжи пред Собранието, Стопанската комора и Владата – симболични локации каде беа испратени директни пораки до носителите на одлуки. Според Трендафилов, не е веќе „пет до 12“, туку „12 и 5“, што значи дека промените требало да се случат вчера – денешниот ден е веќе доцна.

Трендафилов остро го критикуваше обидот на политичките партии да го минимизираат одзивот на протестите, велејќи дека клучот не е во бројките туку во пораката.

„Колку ќе дојдеме, толку ќе добиеме. Но, ќе бидеме доволно гласни да испратиме јасна порака до Владата, Собранието и работодавачите – дека работниците не се повеќе подготвени да живеат со понижувачки плати“, истакна тој.

Особено беше нагласена улогата на Владата како најголем работодавач во земјата, со над 128.000 вработени во јавниот сектор, од кои повеќе од половина се директно под нејзина надлежност. Според ССМ, Владата не смее да се однесува како набљудувач, туку мора да покаже конкретни мерки за поддршка на трудот и достоинствен живот.

„Функционери со плати од 2.000 евра не можат да манипулираат со гладни стомаци,“ порача Трендафилов – пораката која одекна како главен мотив на протестот.

ССМ ја повтори заложбата да се бори за правата на работниците и најави дека протестите нема да престанат сè додека не се исполнат барањата – плати што ќе обезбедат пристоен живот за секој работник во Македонија.