Трендафилов: Работниците преживуваат со 24.000 денари, функционерите живеат со 150.000

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Трендафилов: Работниците преживуваат со 24.000 денари, функционерите живеат со 150.000

31 јули 2025

• од Станча Јаќимовски

Претседателот на Сојузот на синдикатите на Македонија (ССМ), Слободан Трендафилов, остро ја критикуваше Владата и институциите по исходот од денешната седница на Економско-социјалниот совет. Преку објава на Фејсбук, Трендафилов изрази длабоко разочарување од одбивањето на властите да ја зголемат минималната плата, нарекувајќи го одговорот до работниците „понижувачки“.

„Нема изгледи за покачување. Не убедуваат дека платата од 24.400 денари има поголема куповна моќ од половина Европа. Веројатно затоа што функционерите со 79% зголемени плати живеат подобро од половина Европа“, истакна Трендафилов.

Тој предупреди дека постои длабок јаз помеѓу платите на функционерите и на обичните работници, нагласувајќи дека синдикатот нема да се откаже од борбата за повисоки примања.

„Помеѓу плата и политика има 79% зголемени функционерски плати и 0% зголемени работнички плати. Кога ќе ги стигнеме тие 79%, тогаш ќе зборуваме и за политика – до тогаш зборуваме само за плата.“

Во своето обраќање, Трендафилов потсети и на претходните обиди да се поткопа работата на ССМ, со обвинувања дека имало обиди за создавање „полтронски синдикат“ кој би бил во служба на Владата наместо на работниците.

„Сакаа да си најдат синдикат што ќе седи на маса со Владата и ќе поддржува сè, дури и на штета на работниците. Нека им е со среќа.“

ССМ, според него, останува доследен на својата мисија – да се бори за достоинствени услови. Тој потсети дека токму овој синдикат бил единствениот што организирал генерален штрајк и успеал да избори 10% зголемување на платите во јавниот сектор и исплата на регрес.

„И тогаш не клекнавме, нема да клекнеме ни сега.“

Трендафилов упати и апел до пратениците во Собранието, барајќи да го изгласаат Законот за минимална плата пред распишување на избори.

„Работниците не можат повеќе да чекаат. 63.000 членови на ССМ и 620.000 работници од Македонија бараат повисоки плати – не Слободан, туку народот.“

Со овој став, претседателот на ССМ уште еднаш ја нагласи решеноста на синдикатот да продолжи со својата борба за социјална правда и достоинство на македонскиот работник.