Трговскиот дефицит расте, а Бугарија останува клучен трговски партнер на С. Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Трговскиот дефицит расте, а Бугарија останува клучен трговски партнер на С. Македонија

08 април 2025

• од Вардарски

Северна Македонија продолжува да се соочува со раст на трговскиот дефицит – односно разликата помеѓу она што го увезуваме и она што го извезуваме. Во првите два месеци од 2025 година, дефицитот достигна над 606 милиони евра, што е повеќе во споредба со истиот период минатата година.

Што извезуваме?

Иако извозот има мал пораст (1,6% на годишно ниво), и понатаму главно се базира на индустриски производи поврзани со автомобилската и хемиската индустрија. Најголем дел од извозот го сочинуваат:

Катализатори со благородни метали – се користат во автомобилската индустрија за прочистување на издувните гасови.
Кабелски сетови за возила – компоненти за автомобилите што се произведуваат во странски инвестиции во земјата.
Делови за седишта – исто така наменети главно за автомобилскиот сектор.

Најмногу извезуваме во Германија, Србија, Бугарија, Грција и Велика Британија.

Што увезуваме?

Увозот расте побрзо – за 4,9% во споредба со лани. Најмногу увезуваме:

Нафтени деривати (освен сурова нафта)
Благородни метали – како платина и други метали што се користат во производствените процеси
Електрична енергија – особено во зима, кога домашното производство не е доволно

Каква е трговијата со Бугарија?

Размената со источниот сосед е особено активна – во првите два месеци достигна 1,39 милијарди евра, што е пораст од над 16% во однос на лани. И извозот и увозот со Бугарија растат, но трговскиот биланс и натаму е во полза на Бугарија.