22 ноември 2025
• од Станча Јаќимовски
Гинекологот Мухамед Асани, кој го изведе царскиот рез врз Јилдз Веаповска по кој родилката остана без матка, јајник и бубрег, денеска е осуден на три години затвор, пренесува Слободен печат. Со пресудата му се изрекуваат и пет години забрана за вршење дејност, како и одземање на лекарската лиценца од Лекарската комора.
Обвинението во случајот ги опфати и неговиот син, гинекологот Блертон Асани, како и докторката Лилјана Јовановска, кои учествувале во лекувањето. Двајцата се ослободени од вина, со што судската одговорност за трагичниот исход падна само на Мухамед Асани.
Случајот датира од 2020 година, кога во Општата болница во Струга Веаповска била подложена на царски рез. Интервенцијата, која требало да биде рутинска, завршила со тешки и животозагрозувачки компликации. Родилката, наместо со новороденче и успешно завршено породување, останала без матка, еден јајник и бубрег, што предизвика силна реакција во јавноста и отвори прашања за одговорноста и стандардите во здравствениот систем.
Јилдз Веаповска најави дека ќе поднесе жалба на висината на изречената казна, сметајќи дека пресудата е недоволна во однос на трагичните последици што ги претрпела.
Ненадминливи Понуди Дневно
4.8 (10276 рецензии)
Заштедете 152.00 ден

