Трипати повеќе гости од дозволеното – само 100 евра казна за локалот во и каде настапуваше Аца Лукас

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Трипати повеќе гости од дозволеното – само 100 евра казна за локалот во и каде настапуваше Аца Лукас

28 декември 2025

• од Станча Јаќимовски

Локал во Кавадарци во кој на 22 ноември настапуваше српската ѕвезда Аца Лукас е казнет со парична глоба од само 100 евра, иако инспекцискиот надзор утврдил дека биле присутни трипати повеќе гости од дозволениот капацитет. Информацијата ја објави СДК.мк, повикувајќи се на податоци од надлежните институции.

Казната од 100 евра е изречена затоа што локалот е регистриран како микро-трговец. Иста ваква глоба му е изречена и на одговорното лице во објектот, откако инспекциската контрола на Државниот пазарен инспекторат (ДПИ) констатирала сериозно надминување на дозволениот број посетители. Од ДПИ потврдија дека прекршочните платни налози се издадени согласно Законот за угостителска дејност и дека истите се платени во законски предвидениот рок.

Градоначалникот на Кавадарци, Митко Јанчев, тогаш изјави дека во локал со капацитет за околу 200 лица имало дури 700 гости. Тој нагласи дека безбедноста на граѓаните мора да биде приоритет и предупреди дека нема да се дозволи повторување на трагични сценарија поврзани со непочитување на безбедносните стандарди.

Дополнително, од ДПИ информираа дека за истиот објект е изречена и платена казна согласно Законот за заштита од пушење. Покрај тоа, и Аца Лукас бил казнет со 50 евра поради работа без соодветна дозвола.

Случајот повторно ја отвори јавната дебата за висината на казните и нивниот одвраќачки ефект, особено кога станува збор за настани со голем број посетители и потенцијален ризик по безбедноста.