Уапсен член на обезбедувањето на премиерот Мицкоски за оддавање службена тајна

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Уапсен член на обезбедувањето на премиерот Мицкоски за оддавање службена тајна

01 април 2025

• од Вардарски

инистерството за внатрешни работи поднесе кривична пријава против член на лично обезбедување на премиерот Христијан Мицкоски, поради сомнение за трговија со доверливи информации и изнуда. Според информациите до кои дојде „Нетпрес“, се работи за Ангел Самараков од Велес, долгогодишен полициски службеник со контроверзно досие.

Во полициска акција изведена на 30 март 2025 година, а координирана од Одделот за внатрешна контрола, криминалистички истраги и професионални стандарди (ОВККИПС), во соработка со Обвинителството за гонење организиран криминал и корупција (ОЈО ГОКК), Самараков бил приведен заедно со уште едно лице – Б.К. На паркинг пред хотел во Велес, во нивното возило било пронајдено ранче со службени материјали од МВР, како и мобилни телефони кои биле одземени како дел од истрагата.

Во исто време, полицијата извршила претрес и во неговиот дом, каде било пронајдено дополнително доверливо материјал. Истрагата утврдила дека Самараков неовластено поседувал службени документи и ги предавал на трети лица, надвор од МВР. Според истрагата, станува збор за информации кои стигнувале до Кланот од Грчец – криминална група позната по своето влијание и вмешаност во повеќе нерегуларни активности.

МВР попладнето го потврди апсењето, откако веста веќе се прошири на неколку портали. Во службеното соопштение се наведува дека од страна на ОВККИПС до Јавното обвинителство на 31 март ќе биде поднесена кривична пријава против А.С. за кривично дело „оддавање службена тајна“ според член 360 од Кривичниот законик.

Самараков до април 2024 година работел како виш инспектор за имотни деликти во СВР Велес, по што бил прераспределен како инспектор за увиди во крим техника. По доаѓањето на ВМРО-ДПМНЕ на власт, тој бил унапреден и поставен во лично обезбедување на премиерот Мицкоски.

Иако претходно бил повеќекратно пријавуван во внатрешната контрола и доживеал деградации, Самараков останал активен во полицискиот синдикат, каде често се среќавал со пратеници од владејачката партија. Дел од тие средби самиот ги документирал и споделувал на својот Фејсбук-профил.

Истражните органи продолжуваат со анализа на електронските уреди и документацијата одземена при претресите, додека јавноста со загриженост ја следи можната внатрешна инфилтрација на чувствителни државни институции.