08 април 2025
• од Вардарски
Во голема акција спроведена од Основното јавно обвинителство за гонење организиран криминал и корупција во соработка со Министерството за внатрешни работи, уапсени се директор на здравствена установа и негов посредник. Двајцата се сомничат дека барале и примиле поткуп во износ од 20.000 евра.
Како што дознава ТВ21, приведен е директорот на Специјализираната болница за геријатриска и палијативна медицина во Скопје, Мухсин Арифи. Тој, заедно со друго лице, наводно земале поткуп за да овозможат сместување на болно и неподвижно лице во установата.
Од Обвинителството ја потврдуваат информацијата, наведувајќи дека се постапува по случајот за целосно расчистување на настанот. „Приведени се две лица под сомнение за кривични дела – примање поткуп и примање награда за противзаконито влијание“, соопштуваат од ОЈО.
Случајот го потврдија и од Министерството за внатрешни работи.
Мухсин Арифи беше назначен за директор на оваа установа во јуни 2023 година. Апсењето предизвика бурни реакции во јавноста, а институциите најавуваат дека ќе бидат преземени сите потребни мерки за расветлување на случајот и утврдување на одговорност.
Ненадминливи Понуди Дневно
4.8 (10276 рецензии)
Заштедете 152.00 ден

