Убиство и кражба во село Луке: Полицијата открива шокантни детали!
СВР Куманово поднесе кривична пријава против С.Ф. (19) и З.Ф. (24), двајцата од село Луке, општина Кривопаланка, поради постоење основи на сомнение за извршено кривично дело „убиство“. Според податоците од Министерството за внатрешни работи, инцидентот се случил на 24. март 2025 година во село Луке, каде што пријавените се договориле да извршат кражба од нивниот сосед Љ.С.
ШОК ВО ЛУКЕ: Пронајдено тело на исчезнат старец – тројца уапсени!
Како што стои во информациите од полицијата, пријавените го намамиле својот сосед да излезе во дворот, каде што првопријавениот, С.Ф., го нападнал со остар предмет. Од здобиените повреди, Љ.С. починал на самото место, а напаѓачите ја искористиле неговата смрт за да му одземат пари.
После убиството, пријавените ги извршиле следните дејствија: го запалиле телото на Љ.С., а потоа остатоците ги закопале. Истражните органи веднаш започнале со проверка на случувањата и собрале доказен материјал кој ги поврзува осомничените со извршувањето на кривичното дело.
Против двајцата осомничени, судија на претходна постапка донел одлука за определување на мерка притвор. Полицијата продолжува со понатамошно истражување на случајот и собирање дополнителни докази.