Убиство во Кавадарци: Брат го усмртил братот и го закопал во дворот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Убиство во Кавадарци: Брат го усмртил братот и го закопал во дворот

06 август 2025

• од Станча Јаќимовски

Во Кавадарци е откриено брутално убиство што го потресе локалното население, објави 4NEWS.mk. Според информациите од полицијата, 43-годишниот С.И. е осомничен дека на 27 јули 2025 година го усмртил својот 42-годишен брат И.И., со употреба на метален предмет, нанесувајќи му смртоносни повреди. По злосторството, телото го закопал во помошен објект во дворот од нивната заедничка куќа.

Случајот се води како кривично дело „убиство“ по член 123 од Кривичниот законик.

Откривањето на убиството започнало на 5 август, кога нивната сестра В.О. (44) го пријавила исчезнувањето на И.И. во 11:00 часот. Само два часа подоцна, таа повторно се јавила во полиција, изразувајќи сомнеж дека нејзиниот брат е закопан во дворот, откако со сопругот забележале свежо ископан простор во помошниот објект.

На местото веднаш интервенирале јавен обвинител, полициски службеници и експерти од Институтот за судска медицина. По наредба на обвинителот, била повикана и екипа од погребално претпријатие која ја откопала дупката. Телото на И.И. било пронајдено и веднаш пренесено на обдукција.

Истото попладне, околу 14:40 часот, С.И. бил приведен. Во координација со јавниот обвинител, по извршени проверки и добиени сознанија, осомничениот бил спроведен во обвинителството каде што во службен разговор го признал делото.

Истражните органи продолжуваат со постапката за целосно расветлување на случајот.