Ѓубрето го презеде Скопје: Центарот на градот се дави во отпад

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ѓубрето го презеде Скопје: Центарот на градот се дави во отпад

04 август 2025

• од Станча Јаќимовски

Скопје, некогаш метропола на Балканот, денес претставува тажна слика на урбан хаос, негрижа и занемарена хигиена. Ѓубрето, наместо да биде симбол на небрежност што се крие во аглите на градот, денес е распослано пред очите на сите – гордо, на плоштадите, по улиците, покрај Вардар и спортските сали.

Не станува збор за скриени депонии или диви фрлачишта. Напротив, ѓубрето се наоѓа на места со висока фреквенција на луѓе – Плоштадот „Македонија“, „Филип Втори“, кејот на Вардар. Наместо да ги покажеме најдобрите страни на градот, овие локации станаа синоним за јавна негрижа и институционален срам. Властите – оние „надлежни“, што никој не сака да ги именува, остануваат неми и пасивни.

Паралелно со проблемот на јавната хигиена, стои и алармантната состојба со спортските објекти. Ова стана особено видливо за време на Младинската олимпијада, кога Скопје беше домаќин на повеќе од 4.000 млади спортисти од 49 земји. Наместо модерен и функционален град, учесниците се соочија со запоставени патеки, непостоечки паркинзи, неосветлени простори и енормни температури во сали без соодветна климатизација. Најлошото е што ова не беше исклучок – туку секојдневие за децата кои во тие сали тренираат преку целата година.

Салите „Кале“, и големата и малата, се типичен пример за оваа состојба. Опкружени со непроодни патеки, високи и изгорени треви, и отсуство на основна урбана опрема, тие сведочат за континуирана негрижа. Во нивната непосредна близина се наоѓа и Кошаркарската федерација на Македонија, но тоа не помага – никој не се грижи, никој не презема.

Долниот дел од кејот, под Калето, ја продолжува истата приказна. Ѓубрето, расфрлано и непречено, стана дел од пејзажот, како и тишината на оние кои треба да го исчистат.

Скопје не страда само од ѓубре, туку од одсуство на одговорност. Децата што тренираат, граѓаните што шетаат, туристите што нè посетуваат – сите се сведоци на урбана запуштеност што одамна ја надминала границата на прифатливото.

Време е некој да каже: доста е. Градот не заслужува да биде претворен во депонија. И уште помалку – децата да растат опкружени со срамот на нашата негрижа.