Учениците од Трубарево една недела ќе учат онлајн поради загадениот воздух од пожарот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Учениците од Трубарево една недела ќе учат онлајн поради загадениот воздух од пожарот

15 септември 2025

• од Станча Јаќимовски

Учениците од основните училишта во скопско Трубарево и околината оваа недела ќе следат онлајн настава, поради сериозното загадување на воздухот предизвикано од пожарот во рециклаторниот центар на „Ф-Групација“. Одлуката беше соопштена денеска од министерот за здравство Азир Алиу и министерката за образование и наука Весна Јаневска.

Наставата се префрла онлајн

Владата на итна седница реши наставата во училиштата ООУ „Крум Тошев“, ООУ „Његош“, ООУ „Вера Јоциќ“ и ООУ „Наум Наумовски Борче“ во општина Гази Баба да се одвива преку далечинско учење од 15 до 19 септември. Целта е да се заштити здравјето на децата од штетното влијание на чадот и загадувањето.

Четири лица повредени

Во пожарот, кој избувна вчера попладне во магацин за електронски отпад и батерии, беа повредени четири лица – жителка на Трубарево, еден полицаец, припадник на АРМ и директорот на Центарот за управување со кризи (ЦУК). Жената е хоспитализирана на Клиниката за токсикологија со симптоми на вртоглавица и кашлица, а останатите биле амбулантски прегледани и пуштени на домашно лекување. Сите се надвор од животна опасност.

Состојбата на терен

Пожарот започнал околу 13:30 часот во дел наменет за складирање на отпадни електрични материјали, а поради брзото ширење и густ црн чад, зафатил и околни објекти. По 15 часа борба, утринава е ставен под целосна контрола. Според директорот на Дирекцијата за заштита и спасување Стојанче Ангелов, со навремена интервенција е спречено проширување на огнот кон складишта со пластика. Литиумските батерии се гаснеле со песок, додека останатиот отпад со вода и пена.

Иако Министерството за внатрешни работи понуди сместување за жителите во Центарот за обука во Идризово, ниту едно лице од Трубарево не побарало евакуација.

Загадувањето и анализите

Директорката на Институтот за јавно здравје (ИЈЗ), Марија Андоновска, информираше дека досега не се забележани отстапувања во радиоактивноста на воздухот, но во тек се дополнителни анализи на почвата и водата. Министерот за животна средина Изет Меџити најави дека денес ќе бидат објавени резултатите од мерењата за квалитетот на воздухот.

Во меѓувреме, Министерството за животна средина воведе забрана за пристап на местото на пожарот и наложи 24-часовен мониторинг на амбиенталниот воздух. Исто така, испратена е препорака до училиштата за ограничување на движењето на учениците на отворено до стабилизирање на состојбата.