Урим Салиу: Албанците се силата што ќе ја победи политиката на Мицкоски

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Урим Салиу: Албанците се силата што ќе ја победи политиката на Мицкоски

30 септември 2025

• од Станча Јаќимовски

Национализмот на премиерот Христијан Мицкоски има свој крај. Според Урим Салиу од „Tetovasot“, ќе дојде ден кога дури и самите Македонци нема да му дадат поддршка само затоа што ја гради својата политика врз негирање на Албанците и врз создавање на лажна национална гордост. Кога ќе дојде тој момент, како што пишува Салиу, Мицкоски ќе остане сам, бидејќи добро знае дека мнозинството Албанци не ги има на своја страна.

„Денешните негови повици наликуваат на бајката за седумте браќа: додека беа заедно, нивната песна се слушаше далеку; но кога останаа сами, нивниот глас исчезна и завршија во осаменост,“ пишува авторот.

Мицкоски, додава тој, не ја сака ниту ДУИ ниту било која друга албанска партија, но свесен дека не може да владее сам, ги бара оние што може да ги контролира. Неговата политика ја сведува албанската заедница на неколку лидери кои сака да ги „пензионира“, но Албанците се многу повеќе од тоа – тие се реална сила во државата што еден ден ќе ја покаже својата моќ.

Денес премиерот, според Салиу, се крие зад своите албански портпароли и преку нив ја легитимира политиката на негирање и ограничување на правата. Но историјата покажува дека секогаш кога на еден народ му се одзема достоинството, тој на крајот се буди и ги бара назад правата што му биле одземени.

Северна Македонија е мултиетничка држава и во неа Албанците не се само статистика, туку сериозна сила што може да ја надмине оваа политика на исклучување. „Мицкоски ги меша Албанците со ВЛЕН, но не сфаќа дека мнозинството Албанци му се спротивставени, па дури и дел од неговите сопствени поддржувачи од таму веќе не го поднесуваат понижувањето,“ пишува Салиу.

Кога ќе дојде тој ден, завршува авторот, Мицкоски ќе мора да се соочи со прашањето: кој всушност ќе оди во пензија – тој самиот или лидерите Албанци кои се обидува да ги порази? „Зашто Мицкоски можеби може да урне еден лидер, но не може да ја сопре појавата на стотици нови.“

Извор: [tetovasot.com](https://tetovasot.com/2025/09/shqiptaret-nuk-pensionohen-me-dekret-te-mickovskit/?fbclid=IwZXh0bgNhZW0CMTAAYnJpZBExVk95ZmVFREZxRXVnaVRQMQEeLlCfFBCIk9U6b5O6w3DjzgWnPNYNn4BSoz-ghFLrOdlIAVnKLh530hqA9WM_aem_ncf4ZIkcBVn11TlXn3Cz9w)