Уште едно бегство од затвор – сѐ почесто „секојдневие“ во Северна Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Уште едно бегство од затвор – сѐ почесто „секојдневие“ во Северна Македонија

23 октомври 2025

• од Тодор Вангелов

Денеска околу 07:10 часот, полициски службеници од Секторот за меѓународна полициска соработка – Отсек потрага, во с. Манастирец, општина Росоман, го лишија од слобода Б.Л. (38), кој беше баран по централна потерница поради бегство од КПУ Затвор Штип од 18 август 2023 година.

Б.Л. бил осуден за сторено кривично дело убиство согласно член 123 од Кривичниот законик, на казна затвор во траење од осум години. Од пресудената казна му преостанувале уште четири години, девет месеци и 24 дена за доиздржување. По приведувањето, осуденикот е повторно предаден во КПУ Затвор Штип.

Иако оваа полициска акција заврши успешно, загрижува фактот дека вакви случаи на бегство од затворските установи во државата стануваат сѐ почести. Последниве години, речиси и да не поминува месец без информација за бегалци од казнено-поправни установи – појава што создава чувство на несигурност кај јавноста и ја разнишува довербата во затворскиот систем.

Експерти за безбедност предупредуваат дека ваквите инциденти не се изолирани случаи, туку дел од поширок проблем кој бара системски решенија – подобрување на обезбедувањето, модернизација на затворите и зголемена контрола над осудениците.

За жал, за граѓаните на Северна Македонија, веста за бегство од затвор сѐ повеќе звучи како рутина, а не како исклучок. Останува отворено прашањето: колку уште вакви случаи ќе бидат потребни пред да се преземат сериозни реформи?