Утврди обвинителството: Лекар по потекло од Македонија намерно прегазил куче во Софија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Утврди обвинителството: Лекар по потекло од Македонија намерно прегазил куче во Софија

12 ноември 2025

• од Станча Јаќимовски

Софиското окружно обвинителство објави дека кучето Маја, кое беше прегазено во квартот „Разсадника“ во главниот град, е убиено намерно.

Според официјалните податоци, четириногото било живo по инцидентот, но со тешки повреди и скршен р’бет. Очевидци веднаш го однеле животното на ветеринар, каде било утврдено дека траумите се толку сериозни што предизвикуваат трајна инвалидност. Поради тоа, ветеринарот донел одлука за евтаназија.

Обвинение за македонскиот лекар

По спроведената истрага, Софиското обвинителство утврдило дека постојат доволно докази за умисол. Врз основа на видео-техничка експертиза и сведочења, на д-р Ненад Цоневски, лекар од Македонија кој работел во Воено-медицинската академија (ВМА) во Софија, му е подигнато обвинение за „особена суровост кон 'рбетно животно“, што довело до негово тешко повредување.

Говорителот на обвинителството, прокурор Николај Николаев, изјави дека откако ќе биде готов ветеринарно-медицинскиот извештај, обвинението може да биде преквалификувано.

Детали за кучето и правни последици

Пострадaното животно е чипирано хаски на име Роксана, старо 14 години.

Бугарскиот Кривичен законик предвидува казна од една до пет години затвор за вакво кривично дело – намерно нанесување суровост кон животни што предизвикува страдање или смрт.

Реакција на ВМА

Воено-медицинската академија во Софија, каде што работел д-р Цоневски, се дистанцираше од неговите постапки и објави дека тој е привремено отстранет од работа додека трае истрагата и се разјаснат околностите околу случајот.