Венко Филипче со празни закани: Антиевропска реторика маскирана како „патриотизам“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Венко Филипче со празни закани: Антиевропска реторика маскирана како „патриотизам“

30 август 2025

• од Гоце Кически

Во време кога Северна Македонија е исправена пред историски момент – конечно да го заклучи процесот на евроинтеграции – опозицискиот лидер на СДСМ, Венко Филипче, излегува со деструктивни пораки кои ја подриваат европската иднина на земјата. Со неговиот предлог „ако има ново бугарско вето веднаш да се прекинат преговорите“, Филипче повторно ја враќа политиката во ќор-сокак, користејќи празни фрази за „црвени линии“ наместо реални решенија.

Филипче заборава дека европскиот пат на Северна Македонија не се гради со ултиматуми, туку со храбри одлуки и соработка со соседите. Францускиот предлог, кој тој самиот признава дека е единствената реална опција, беше токму чекорот што ја отвори вратата кон ЕУ. Но наместо да го поддржи процесот и да покаже европска зрелост, тој предлага механизми за самосаботажа.

Притоа, Филипче целосно игнорира една клучна вистина: бугарските лидери повеќепати изјавија дека нема да има нови барања надвор од францускиот предлог. Тоа е јасна и повторена позиција од Софија, а со инсистирањето на „нови вета“ тој намерно шири стравови и конфузија кај јавноста.

Особено е инфантилно да се гради цела политичка стратегија на „што ако“ сценарија. Политиката не е игра со условни реченици од типот „ако некогаш, ако евентуално“. Тоа не е сериозно лидерство, туку евтин популизам кој ја подрива довербата во институциите и го оддалечува народот од европската перспектива.

Парадоксално, СДСМ – партија која се претставува како „проевропска“ – денес преку Филипче практично го повторува националистичкиот речник на ДПМНЕ. Двете партии, иако формално во спротивставени кампови, ја делат истата менталност на блокади и дневнополитички калкулации. Разликата е само во тоа кој ќе биде погласен во обвинувањата и кој ќе изгледа „поголем патриот“.

А вистината е едноставна: Северна Македонија нема алтернатива освен европскиот пат, и тоа низ искрен дијалог со Бугарија и почитување на европските стандарди. Ваков популизам каков што го нуди Филипче – резолуции со „црвени линии“ и условувања – не е ништо повеќе од обид да се добијат евтини поени на сметка на младите кои заминуваат, на граѓаните кои сакаат стабилност, и на државата која веќе предолго чека пред вратите на ЕУ.

ДПМНЕ со години ја држи земјата во заложништво на антибугарска реторика и лажни надежи, а сега СДСМ оди по истата трага. Наместо лидерство, гледаме истрошени политички елити кои се хранат од конфликти.

Ако навистина сакаме Европа, тогаш мораме да ја надминеме оваа политика на „вета“ и „црвени линии“ и конечно да прифатиме дека иднината на Северна Македонија е во партнерство, а не во самоизолација. Северна Македонија не смее да биде жртва на политичари кои зборуваат едно во Брисел, а сосема друго во Скопје – било да се викаат Филипче или Мицкоски.

Време е граѓаните да кажат „доста е“ – и на СДСМ, и на ДПМНЕ. Европа нема да чека бескрајно, а Северна Македонија заслужува нова генерација лидери кои ќе ја одведат државата таму каде што припаѓа: во европското семејство, со отворени врати и чиста совест.