Венко Филипче загрижен: Луѓето не можат да преживеат! #macedonia
Венко Филипче, изрази сериозна загриженост за економската состојба во земјата, посочувајќи дека граѓаните се соочуваат со сè потешки услови за живот. Според него, платите се недоволни, а растот на цените излегол од контрола, што создава дополнителен притисок врз семејните буџети.
„Луѓето едноставно не можат да преживеат“, изјави Филипче, додавајќи дека барањето за зголемување на минималната плата на 30.000 денари е не само рационално, туку и реално.
Тој смета дека државата има механизми за да ја реализира оваа мерка, доколку постои вистинска политичка волја и посветеност кон благосостојбата на граѓаните.
„Ако сака, државата може тоа да го направи“, истакна Филипче.
Оваа изјава доаѓа во време кога многу граѓани се жалат на растечката инфлација, високите трошоци за живот и ограничените можности за пристоен приход. Барањето за повисока минимална плата се актуализира како еден од начините да се ублажат овие предизвици и да се овозможи подобар стандард за сите.