(Видео) Шокирачки детали: Српски пејач земал 30.000 евра во клуб, а никој не прашал од каде се парите!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

(Видео) Шокирачки детали: Српски пејач земал 30.000 евра во клуб, а никој не прашал од каде се парите!

28 март 2025

• од Гоце Кически

„Корумпираниот систем ни ги уби децата. Наместо мерократија, ние имаме партократија“, изјави професорот Владимир Пивоваров во разговор за ЦИВИЛ Медиа. Тој изрази длабока загриженост за состојбите во Македонија, особено во контекст на некои трагични настани што ја потресоа земјата.

Според Пивоваров, институциите не реагираа на време, иако во Кочани, на местото каде што се случи трагичниот инцидент, се организирале забави и настани, без надзор. „МВР не реагираше, а УЈП исто така не ја следеше ситуацијата, иако се вршеше наплата на карти и пијачки“, рече Пивоваров, додавајќи дека не постоела соодветна контрола, што овозможило институциите да се занемарат.

Тој ја обвини партиократијата за уништувањето на системот, истакнувајќи дека во медиумите се појавиле информации за политичари и функционери кои редовно го посетувале објектот. „Зарем тие не знаеле каде одат?“, праша Пивоваров, нагласувајќи дека проблемот не се однесува само на индивидуалните лица, туку и на институциите кои не се доволно одговорни.

Професорот потсети на постоењето на сивата економија во дискотеките, каде што се врши перење на пари. Како пример го наведува случајот со српски пејач кој за својот настап добил 30.000 евра, без никакви прашања за изворот на тие пари. „Тоа е само еден од многуте примери на неприфатлива пракса што ја погодува нашата земја“, рече Пивоваров.

Според него, земјата мора да воспостави кризен штаб за да се спречат слични трагедии во иднина. „Ако системот нема контрола, тој создава хаос. Кај нас тоа е големиот проблем – нема контрола, само кампањи“, истакна тој.

Тој го спомена и единствениот пример на морална одговорност во последните 33 години – оставката на министерот за транспорт и врски, Антони Пешев, по трагичниот пад на рускиот авион кај кичевските брда, при што загинаа 99 патници. Пивоваров нагласи дека ова треба да биде пример за сите политички лидери и раководители, кои треба да имаат кредибилитет и интегритет, и да преземат одговорност.

„Не е доволно само да се даде оставка, мора да се преземат конкретни чекори. Не можеме да ја гледаме политиката како некој спорт во кој се препукуваме за тоа што кој направил додека бил на власт. На крај, што ќе остане? Гробови, распарчани семејства и родители чии души се изгорени“, истакна Пивоваров.

Тој апелираше истрагата да утврди виновниците и тие да се казнат не само дисциплински, туку и кривично. „Оние што земале плата за да вршат контрола, мора да одговараат. УЈП, ДПИ, ДЗС, МВР – сите тие треба да објаснат зошто не реагирале и како дошле до оваа ситуација“, додаде Пивоваров.

„Гледаме каде сме дошле со тоа ‘купи ден, продај ден’. Доаѓаме до една бездна од која нема враќање назад“, заклучи професорот.