(Видео) Срам за целата држава: Британски јутјубер шокиран од ‘цунами од отпад’ во Вардар

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

(Видео) Срам за целата држава: Британски јутјубер шокиран од ‘цунами од отпад’ во Вардар

28 август 2025

• од Станча Јаќимовски

Македонија осрамотена пред светот. Британскиот јутјубер Ричард Хејвард, креатор на каналот @therealsqm, кој случајно ја избрал нашата земја за престој, реши да направи авантура што во нормални држави би звучела романтично – да плови по реката Вардар, од Гостивар па сè до Грција.

Но, наместо авантура, Хејвард наиде на хорор-сцена.

„Ова буквално е цунами од ѓубре“, изјави тој додека камерата го снимаше како се обидува да ја пробие реката преполна со пластика и отпад. Наместо вода – пластични шишиња, пластични кеси, па дури и столови кои пловеа заедно со струјата.

Вардар – реката што тоне во смет

Она што требало да биде симбол на живот и природа, Вардар, денес е срам за целата држава. Секој дел од реката е потсетник на нашето колективно пропаѓање. Неспособноста на институциите, рамнодушноста на граѓаните и целосниот колапс на системот за управување со отпад ја претворија најголемата македонска река во канализација отворена за светот.

Британецот, кој дури и учествувал во акција за чистење, со неверување покажуваше кон купиштата смет. Тој призна дека случајно дошол во Македонија и ја засака, но сега се соочи со суровата вистина – ова е земја што тоне во сопствениот отпад.

„Добредојдовте“ во еколошка катастрофа

Срамот е уште поголем бидејќи видеото кружи по социјалните мрежи и ја прикажува Македонија како дива земја, неспособна да ја сочува ни сопствената природа. Додека во Европа се водат битки за зелена иднина, кај нас Вардар станува депонија што се излева.

Овој срамен момент е потсетник дека државата одамна капитулирала пред најелементарните проблеми. Ако најголемата река ни изгледа вака, што ли останува за селата, шумите и планините?